IND vs NZ 3rd Test : विराटवर टांगती तलवार, जडेजा-बुमराहही OUT; न्यूझीलंडविरुद्धच्या तिसऱ्या कसोटीत 'ही' असणार टीम इंडियाची प्लेइंग-11
IND vs NZ 3rd Test News : पुण्यात भारतीय संघासोबत असे काही घडले ज्याने कसोटी क्रिकेटमध्ये नवा इतिहास रचला.
India vs New Zealand 3rd Test India Playing 11 : पुण्यात भारतीय संघासोबत असे काही घडले ज्याने कसोटी क्रिकेटमध्ये नवा इतिहास रचला. न्यूझीलंडने भारतीय संघाचा 113 धावांनी पराभव करून नवा विक्रम रचला. भारताला 12 वर्षात घरच्या कसोटी मालिकेत पहिला पराभव पत्करावा लागला. पुणे कसोटीतील पराभवामुळे भारतीय संघाने 3 सामन्यांची कसोटी मालिका गमावली असून आता संघाला क्लीन स्वीपचा धोका आहे. आता 1 नोव्हेंबरपासून दोन्ही संघांमध्ये तिसरा कसोटी सामना खेळवला जाणार आहे. WTC फायनलच्या दृष्टिकोनातून भारतीय संघासाठी हा कसोटी सामना जिंकणे आवश्यक आहे.
न्यूझीलंडविरुद्धच्या पहिल्या दोन कसोटी सामन्यातील पराभवानंतर कर्णधार रोहित शर्मा तिसऱ्या कसोटीत अनेक बदल करू शकतो. खराब फॉर्ममध्ये झगडत असलेल्या विराट कोहलीची हकालपट्टी करण्याची मागणीही चाहते करत आहेत. तसे, काही खेळाडूंना तिसऱ्या कसोटीतही विश्रांती मिळू शकते. वेगवान गोलंदाज जसप्रीत बुमराह यात प्रमुख आहे.
भारत आणि न्यूझीलंड यांच्यातील तिसरा कसोटी सामना मुंबईतील वानखेडे स्टेडियमवर होणार आहे. वर्षांनंतर येथे कसोटी सामना होणार आहे. मुंबईत धावा काढणे खूप सोपे असले तरी कसोटी सामन्यासाठी कोणत्या प्रकारची खेळपट्टी तयार करण्यात आली आहे हे पाहावे लागेल.
तिसऱ्या कसोटी सामन्यात भारताच्या प्लेइंग इलेव्हनबद्दल बोलायचे तर, कर्णधार रोहित शर्मा आणि यशस्वी जैस्वाल डावाला सुरुवात करतील याची खात्री आहे. यानंतर शुभमन गिलही तिसऱ्या क्रमांकावर खेळताना दिसणार आहे. त्याचबरोबर विराट कोहलीही चौथ्या क्रमांकावर खेळणार आहे.
मधल्या फळीत काही बदल दिसू शकतात. सर्फराज खान पाचव्या क्रमांकावर खेळताना दिसू शकतो. या कसोटी सामन्यात ऋषभ पंतला विश्रांती दिली जाऊ शकते. त्याच्या जागी ध्रुव जुरेलला संधी मिळू शकते. खरं तर, भारताला पुढील महिन्यात ऑस्ट्रेलिया दौऱ्यावर पाच कसोटी सामने खेळायचे आहेत. अशा स्थितीत पंतला न्यूझीलंडविरुद्धच्या तिसऱ्या कसोटीत विश्रांती दिली जाऊ शकते.
तिसऱ्या कसोटीत रवींद्र जडेजाच्या जागी अक्षर पटेलला संधी मिळण्याची शक्यता आहे. या मालिकेत आतापर्यंत जडेजाला चेंडू आणि फलंदाजी या दोन्हीत प्रभाव पाडता आलेला नाही. ऑस्ट्रेलिया मालिका पाहता स्टार वेगवान गोलंदाज जसप्रीत बुमराहलाही विश्रांती दिली जाऊ शकते.
तिसऱ्या कसोटीत टीम इंडियाचे संभाव्य प्लेइंग इलेव्हन - रोहित शर्मा (कर्णधार), यशस्वी जैस्वाल, शुभमन गिल, विराट कोहली, सर्फराज खान, ऋषभ पंत (यष्टीरक्षक), वॉशिंग्टन सुंदर, रवींद्र जडेजा, रविचंद्रन अश्विन, अक्षर पटेल/आकाशदीप/सिराज आणि जसप्रीत बुमराह.
हे ही वाचा -
महत्त्वाच्या बातम्या
ट्रेंडिंग न्यूज
