Ind vs Eng 4th T20I Score : पुण्यात टीम इंडियाने जिंकली टी-20 मालिका! पांड्या-दुबेनंतर हर्षित राणाने घातला धुमाकूळ, इंग्रजांचा 15 धावांनी पराभव
Ind vs Eng 4th T20I Update : भारत आणि इंग्लंड यांच्यातील चौथा टी-20 सामना आज पुण्यातील महाराष्ट्र क्रिकेट असोसिएशन स्टेडियमवर खेळला जात आहे.
LIVE
Background
Ind vs Eng 4th T20I Score : पुण्यात टीम इंडियाने जिंकली टी-20 मालिका!
भारतीय संघाने इंग्लंडविरुद्धच्या 5 सामन्यांच्या टी-20 मालिकेतील चौथा सामना 15 धावांनी जिंकला आणि आता एक सामना बाकी असताना मालिका 3-1 अशी जिंकली. या सामन्यात, नाणेफेक गमावल्यानंतर, टीम इंडिया प्रथम फलंदाजीला आली आणि हार्दिक पांड्या आणि शिवम दुबे यांच्या 53-53 धावांच्या खेळीने 20 षटकांत 9 गडी गमावून 181 धावांपर्यंत मजल मारली. लक्ष्याचा पाठलाग करताना एकेकाळी इंग्लंड सामन्यात वर्चस्व गाजवत दिसत होते, परंतु भारतीय गोलंदाजांच्या उत्कृष्ट कामगिरीमुळे इंग्लंडचा संघ 19.4 षटकांत 166 धावांवर गारद झाला. भारतीय संघाकडून रवी बिश्नोई आणि हर्षित राणा यांनी प्रत्येकी 3 विकेट घेतल्या.
Ind vs Eng 4th T20I Live Score : पुण्यात हार्दिक आणि शिवमचा तडाखा! भारताने इंग्लंडसमोर ठेवले 182 धावांचे लक्ष्य
पुण्यात खेळल्या जाणाऱ्या चौथ्या टी-20 सामन्यात भारताने इंग्लंडला विजयासाठी 182 धावांचे लक्ष्य दिले आहे. इंग्लंडचा कर्णधार जोस बटलरने नाणेफेक जिंकून प्रथम गोलंदाजी करण्याचा निर्णय घेतला. दुसऱ्या षटकात हा निर्णय योग्य ठरत असल्याचे दिसून आले, पण हार्दिक पांड्या आणि शिवम दुबे यांच्या स्फोटक अर्धशतकांमुळे भारताने जोरदार पुनरागमन केले.
Ind vs Eng 4th T20I Live Score : टीम इंडियाचा अर्धा संघ परतला पॅव्हेलियनमध्ये, तुफानी खेळीनंतर रिंकू सिंग आऊट, किती केल्या धावा?
79 धावांवर भारताला पाचवा धक्का बसला आहे. ब्रायडन कार्सने रिंकू सिंगला आऊट. तो 26 चेंडूत 4 चौकार आणि 1 षटकाराच्या मदतीने 30 धावा काढून पॅव्हेलियनमध्ये परतला. हार्दिक पांड्या सातव्या क्रमांकावर फलंदाजीला आला आहे. त्याला साथ देण्यासाठी शिवम दुबे क्रीजवर आहे.
Ind vs Eng 4th T20I Live Score : भारताला चौथा धक्का
आदिल रशीदने भारताला चौथा धक्का दिला आहे. आठव्या षटकाच्या दुसऱ्या चेंडूवर त्याने अभिषेक शर्माला आऊट केले. तो 19 चेंडूत 29 धावा काढून पॅव्हेलियनमध्ये परतला. शिवम दुबे सहाव्या क्रमांकावर फलंदाजीला आला आहे.
Ind vs Eng 4th T20I Live Score : पॉवरप्ले संपला
पॉवरप्लेमध्ये भारताने तीन विकेट गमावल्या. मालिकेतील पहिला सामना खेळणाऱ्या साकिब महमूदने दुसऱ्या षटकात संजू सॅमसन (1), तिलक वर्मा (0) आणि सूर्यकुमार यादव (0) यांचे बळी घेतले. यानंतर रिंकू सिंग आणि अभिषेक शर्मा यांनी पदभार स्वीकारला. दोघांमध्ये भागीदारी बहरत आहे. पहिल्या सहा षटकांनंतर भारताची धावसंख्या 47/3 आहे.
महत्त्वाच्या बातम्या
ट्रेंडिंग न्यूज
