Ind vs Aus 3rd Test : ये रे ये रे पावसा! गाबा कसोटीत टीम इंडियासाठी पाऊस तारणहार ठरणार? WTC पॉइंट्स टेबलवर होणार थेट परिणाम

बॉर्डर गावसकर ट्रॉफीचा तिसरा सामना भारत आणि ऑस्ट्रेलिया यांच्यात गाबा येथे खेळला जात आहे.

Ind vs Aus 3rd test Team India WTC Qualification Scenario

Source : ABP

Team India WTC Qualification Scenario : बॉर्डर गावसकर ट्रॉफीचा तिसरा सामना भारत आणि ऑस्ट्रेलिया यांच्यात गाबा येथे खेळला जात आहे. प्रथम फलंदाजी करताना ऑस्ट्रेलियन संघाने 445 धावा फलकावर लावल्या. याला प्रत्युत्तर देताना भारताची टॉप ऑर्डर सपशेल अपयशी ठरली. पावसामुळे खेळ थांबला तोपर्यंत भारताने पहिल्या डावात चार गडी गमावून 48 धावा केल्या होत्या. सध्या केएल राहुल 30 धावा करून क्रीजवर आहे. राहुलसोबत कर्णधार रोहित शर्मा आहे. भारत अजूनही 397 धावांनी मागे आहे. पण तिसऱ्या दिवशी पावसामुळे खेळ थांबवावा लागण्याची ही आज चौथी वेळ आहे. 

गाबा कसोटीत टीम इंडियाची आतापर्यंतची कामगिरी पाहता, ॲडलेडनंतर गाबामध्येही टीम इंडियावर पराभवाचे ढग दाटून आले आहेत. जर टीम इंडिया गाबामध्ये हरली तर डब्ल्यूटीसी फायनल 2025 खेळण्याच्या त्याच्या आशांनाही मोठा धक्का बसेल. पण गाबा कसोटीत टीम इंडियासाठी पाऊस तारणहार ठरू शकतो. जर हा सामना रद्द झाल्यास भारतीय क्रिकेट संघाच्या वर्ल्ड टेस्ट चॅम्पियनशिपच्या अंतिम फेरीत पोहोचण्याच्या शक्यतांवर नक्कीच परिणाम होईल. 

पावसामुळे सामना रद्द झाला तर भारतीय संघ बाहेर पडेल का?

गाबा येथे खेळला जाणारा सामना पावसामुळे रद्द झाला किंवा अनिर्णित राहिला तर भारतासाठी ते कठीण होईल, पण ते शर्यतीतून बाहेर जाणार नाहीत. थेट पात्र होण्यासाठी भारताला दोन सामने जिंकणे आणि एक अनिर्णित राखणे आवश्यक आहे. अशा स्थितीत गाबा कसोटी ड्रॉ झाली किंवा रद्द झाली, तर भारताला उर्वरित दोन सामने कोणत्याही प्रकारे जिंकावे लागतील आणि त्यांच्यावरील दबाव वाढेल.

पण गाबामध्ये पराभूत झाल्यास भारतीय संघ पात्र कसा होईल?

तिसरी कसोटी गमावल्यानंतर भारताने मालिकेतील उर्वरित दोन सामने जिंकले तर ते मालिका 3-2 ने जिंकेल. अशा स्थितीत जानेवारीच्या अखेरीस श्रीलंका आणि ऑस्ट्रेलिया यांच्यात कसोटी मालिका होणार आहे. ज्यामध्ये दोन कसोटी सामन्यांपैकी किमान एका सामन्यात ऑस्ट्रेलियाला पराभूत करण्यासाठी श्रीलंकेची आवश्यकता असेल. आणि पाकिस्तानने दक्षिण आफ्रिकेला या महिन्याच्या अखेरीस दोन्ही कसोटीत पराभूत केले तर टीम इंडिया फायनलसाठी पात्र होईल. 

हे ही वाचा -