IND vs AUS 3rd Test : ब्रिस्बेनमध्ये टीम इंडिया संकटात! ऑस्ट्रेलियाचा पहिला डाव 445 धावांवर आटोपला, बुमराहचा विकेटचा षटकार
ब्रिस्बेन कसोटीत ऑस्ट्रेलियाने पहिल्या डावात 445 धावांची मोठी धावसंख्या उभारली आहे.
Australia vs India 3rd Test : ब्रिस्बेन कसोटीत ऑस्ट्रेलियाने पहिल्या डावात 445 धावांची मोठी धावसंख्या उभारली आहे. तिसऱ्या दिवशी ऑस्ट्रेलियन संघ आपल्या स्कोअरमध्ये केवळ 40 धावांची भर घालू शकला. भारताकडून जसप्रीत बुमराह, मोहम्मद सिराज आणि आकाशदीप यांनी तिसऱ्या दिवशी प्रत्येकी एक बळी घेत ऑस्ट्रेलियन फलंदाजांना लवकर बाद करण्यात यश मिळवले. ॲलेक्स कॅरीने 70 धावांची खेळी खेळली, तर दुसऱ्या दिवशी ऑस्ट्रेलियाकडून ट्रॅव्हिस हेड आणि स्टीव्ह स्मिथने शतके झळकावली. टीम इंडियासाठी जसप्रीत बुमराहने सर्वाधिक विकेट घेतल्या, ज्याने एकूण 6 फलंदाजांना पॅव्हेलियनमध्ये पाठवले.
Innings Break!
— BCCI (@BCCI) December 16, 2024
Akash Deep takes the final wicket as Australia are all out for 445 runs.
Six wickets for @Jaspritbumrah93, two for Siraj and one wicket for Nitish Kumar Reddy.
Scorecard - https://t.co/dcdiT9NAoa…… #AUSvIND pic.twitter.com/RVPGIJetVA
दुसऱ्या दिवसाचा खेळ संपेपर्यंत ऑस्ट्रेलियाने 7 गडी गमावून 405 धावा केल्या होत्या. ॲलेक्स कॅरी आणि मिचेल स्टार्क यांनी तिसऱ्या दिवसाची सुरुवात चांगली केली, पण 18 धावांवर शॉट खेळताना स्टार्क आऊट झाला. ॲलेक्स कॅरीने एका टोकाला खंबीरपणे उभा राहिला, आणि 70 धावांची खेळी केली. मिचेल स्टार्कला बाद करताना जसप्रीत बुमराहने तिसऱ्या दिवसाची पहिली विकेट घेतली. त्यानंतर मोहम्मद सिराज आणि आकाशदीप यांनी लागोपाठ षटकांत प्रत्येकी एक बळी घेत ऑस्ट्रेलियाचा डाव 445 धावांवर गुंडाळला.
Vital runs added by the hosts early on day three in Brisbane 🏏#AUSvIND live: https://t.co/DilT8Qd9yF#WTC25 pic.twitter.com/Q6cK0umVuV
— ICC (@ICC) December 16, 2024
भारताकडून बुमराहचा विकेटचा षटकार
भारताकडून सर्वाधिक यशस्वी गोलंदाज जसप्रीत बुमराह होता, त्याने एकूण 6 फलंदाजांना पॅव्हेलियनमध्ये पाठवले. बुमराहने कांगारू संघाचे दोन्ही शतकवीर ट्रॅव्हिस हेड आणि स्टीव्ह स्मिथ यांनाही बाद केले. ब्रिस्बेन कसोटीच्या दुसऱ्याच दिवशी बुमराहने 5 बळी पूर्ण केले होते. दुसरीकडे मोहम्मद सिराजने 2, तर आकाशदीप आणि नितीश रेड्डी यांनी प्रत्येकी एक विकेट घेतली.
Milestone Alert - Jasprit Bumrah has now completed 50 Test wickets in 10 matches in Australia 🫡🫡
— BCCI (@BCCI) December 16, 2024
He has a highly impressive average of 17.82#AUSvIND | @Jaspritbumrah93 pic.twitter.com/MfAZ9iUcq4
हे ही वाचा -
Abhijeet Katke : महाराष्ट्र केसरी आणि हिंदकेसरी पैलवान अभिजीत कटके अडकला लग्नबंधनात, पाहा फोटो
महत्त्वाच्या बातम्या
ट्रेंडिंग न्यूज
