Ind vs Aus 2nd Test : रोहितसोबत 2 पठ्ठ्याची संघात एन्ट्री फिक्स! भारताच्या प्लेइंग-11मध्ये होणार मोठा बदल, 'या' खेळाडूंचा पत्ता कट
Ind vs Aus 2nd Test Match Adelaide : न्यूझीलंडविरुद्ध क्लीन स्वीप केल्यानंतर भारतीय क्रिकेट संघाने ऑस्ट्रेलिया दौऱ्याला दणदणीत विजय मिळवून सुरुवात केली आहे.
Ind vs Aus 2nd Test Match : न्यूझीलंडविरुद्ध क्लीन स्वीप केल्यानंतर भारतीय क्रिकेट संघाने ऑस्ट्रेलिया दौऱ्याला दणदणीत विजय मिळवून सुरुवात केली आहे. बॉर्डर-गावसकर ट्रॉफीच्या 5 सामन्यांच्या कसोटी मालिकेत टीम इंडियाने पर्थ येथे खेळल्या गेलेल्या पहिल्या कसोटी सामन्यात कांगारू संघाचा 295 धावांच्या मोठ्या फरकाने पराभव करत कसोटी मालिकेत 1-0 अशी आघाडी घेतली आहे.
पहिल्या कसोटी सामन्यातील या ऐतिहासिक विजयानंतर भारतीय संघ आता या मालिकेतील दुसऱ्या सामन्यात पूर्ण आत्मविश्वासाने उतरणार आहे. दोन्ही संघांमधील मालिकेतील दुसरा कसोटी सामना 6 डिसेंबरपासून ॲडलेड येथे डे-नाइट स्वरूपात खेळवला जाणार आहे. या सामन्यात काही खेळाडूंचे टीम इंडियात पुनरागमन निश्चित आहे. असे तीन खेळाडू आहेत जे दुसऱ्या कसोटी सामन्यात पुनरागमन करू शकतात आणि कोणत्या खेळाडूंना बाहेर पडावे लागेल.
A brilliant fightback from India in the opening fixture of the Border-Gavaskar Trophy, defeating the Australians at Perth. A fantastic all-round display by the Indian team, as everyone stepped up and contributed towards the victory! A loud cheer for @Jaspritbumrah93 who rose to… pic.twitter.com/UOTNPnphtW
— Jay Shah (@JayShah) November 25, 2024
भारतीय क्रिकेट संघाचा कर्णधार रोहित शर्मा ऑस्ट्रेलिया दौऱ्यावर संघाच्या उर्वरित खेळाडूंसोबत गेला नाही. वैयक्तिक कारणांमुळे त्याने पहिल्या कसोटी सामन्यातून विश्रांती घेतली होती. पण आता तो ऑस्ट्रेलियात पोहोचला आहे. ॲडलेडमध्ये होणाऱ्या दुसऱ्या कसोटी सामन्यात हिटमॅनचे पुनरागमन निश्चित आहे. अशा परिस्थितीत जर रोहित शर्मा दुसऱ्या कसोटीत सहभागी होणार असेल तर त्याच्या जागी देवदत्त पडिक्कलला बाहेरचा रस्ता दाखवला जाईल.
टीम इंडियाचा स्टार युवा फलंदाज शुभमन गिल ऑस्ट्रेलियाविरुद्धच्या या दौऱ्यावर संघाचा प्रमुख फलंदाज आहे. पर्थमध्ये खेळल्या गेलेल्या पहिल्या कसोटी सामन्यापूर्वी क्षेत्ररक्षण करताना त्याच्या बोटाला दुखापत झाली होती, त्यामुळे तो पर्थ कसोटीतून बाहेर राहिला होता, मात्र आता दुसऱ्या कसोटी सामन्यात त्याचे पुनरागमन निश्चित आहे. संघात पुनरागमन केल्यानंतर ध्रुव जुरेलला वगळले जाऊ शकते.
भारतीय क्रिकेट संघाचा स्टार फिरकी गोलंदाज आर अश्विनचा ॲडलेड येथे होणाऱ्या दुसऱ्या कसोटी सामन्यात समावेश केला जाऊ शकतो. पर्थ कसोटीत अश्विनचा संघाच्या प्लेइंग-11 मध्ये समावेश नव्हता. पण आता दुसऱ्या कसोटी सामन्यात वॉशिंग्टन सुंदरच्या जागी त्याचा संघात समावेश केला जाऊ शकतो. अश्विन गेल्या काही वर्षांपासून टीम इंडियासाठी सर्वात महत्त्वाचा विकेट घेणारा गोलंदाज आहे, त्यामुळे त्याला कोणत्याही परिस्थितीत संघात परत आणले जाऊ शकते.
हे ही वाचा -
महत्त्वाच्या बातम्या
ट्रेंडिंग न्यूज
