ICC T-20 World Cup 2024: आयपीएलच्या अंतिम सामन्यापूर्वी भारतीय संघातील खेळाडू टी-20 विश्वचषकासाठी रवाना होणार; यादी आली समोर
ICC T-20 World Cup 2024: भारताचे बहुतेक क्रिकेटपटू आणि सपोर्ट स्टाफ 25 मे रोजी T-20 वर्ल्ड कपसाठी न्यूयॉर्कला रवाना होतील, तर उर्वरित 26 मे रोजी आयपीएल फायनलनंतर रवाना होणार आहेत.
ICC T-20 World Cup 2024: नवी दिल्ली: भारतीय क्रिकेट संघाचे पुढील लक्ष्य आयसीसी टी-20 विश्वचषक 2024 (ICC T-20 World Cup) आहे. इंडियन प्रीमियर लीगकडे या स्पर्धेची तयारी म्हणून पाहिले जात होते. निवड समितीने 15 सदस्यीय भारतीय संघाची घोषणा केली आहे. आता या मेगा आयसीसी स्पर्धेची तयारी सुरू करण्याची वेळ आली आहे. भारताचे बहुतेक क्रिकेटपटू आणि सपोर्ट स्टाफ 25 मे रोजी T-20 वर्ल्ड कपसाठी न्यूयॉर्कला रवाना होतील, तर उर्वरित 26 मे रोजी आयपीएल फायनलनंतर रवाना होणार आहेत.
आयपीएल प्लेऑफसाठी पात्र होऊ न शकलेल्या संघांचे सदस्य 21 मे रोजी रवाना होणार होते, परंतु नंतर योजना बदलली. आता ते 25 मे रोजी रवाना होणार आहेत. मिळालेल्या माहितीनुसार, आयपीएलच्या पहिल्या फेरीतून बाहेर पडलेल्या मुंबई इंडियन्सकडून खेळणारा भारतीय कर्णधार रोहित शर्मा व्यतिरिक्त त्याच फ्रँचायझी संघाचा कर्णधार हार्दिक पांड्या, फलंदाज सूर्यकुमार यादव, गोलंदाज जसप्रीत बुमराह हे पहिले विमान पकडतील. दिल्लीचा संघही पात्रतेच्या बाहेर राहिला असून संघाचा कर्णधार ऋषभ पंत आणि अष्टपैलू अक्षर पटेल यांची नावे यादीत आहेत.
बीसीसीआयच्या एका सूत्राने सांगितले की, “रोहित शर्मा, हार्दिक पंड्या, सूर्यकुमार यादव, जसप्रीत बुमराह, ऋषभ पंत, अर्शदीप सिंग, अक्षर पटेल आणि सपोर्ट स्टाफ 25 मे रोजी रवाना होतील. पहिला गट 21 मे रोजी रवाना होणार होता परंतु भारतीय संघ एकमेव सराव सामना खेळत आहे (1 जून रोजी बांगलादेशविरुद्ध), त्यामुळे खेळाडूंना घरच्या मैदानावर काही अतिरिक्त वेळ मिळेल. आयपीएलचा अंतिम सामना खेळणारे खेळाडू 27 मे रोजी रवाना होतील. भारताला पहिला सामना 5 जूनला आयर्लंड आणि 9 जूनला पाकिस्तानविरुद्ध खेळायचा आहे.
टी-20 विश्वचषकासाठी भारतीय संघ-
रोहित शर्मा (कर्णधार), हार्दिक पंड्या, यशस्वी जैस्वाल, विराट कोहली, सूर्यकुमार यादव, ऋषभ पंत, संजू सॅमसन, शिवम दुबे, रवींद्र जडेजा, अक्षर पटेल, कुलदीप यादव, युझवेंद्र चहल, अर्शदीप सिंग, जसप्रीत बुमराह, मोहम्मद सिराज.
टी-20 विश्वचषक 2024 चा फॉरमॅट असा असेल-
आगामी टी-20 विश्वचषक 1 जून ते 29 जून दरम्यान वेस्ट इंडिज आणि यूएसएमध्ये खेळवला जाणार आहे. 20 संघांची ही स्पर्धा बाद फेरीसह एकूण 3 टप्प्यात खेळवली जाईल. सर्व 20 संघ प्रत्येकी 5 च्या 4 गटात विभागले जातील. प्रत्येक गटातील टॉप-2 संघ सुपर-8 मध्ये प्रवेश करतील. यानंतर, सर्व 8 संघ प्रत्येकी 4 च्या 2 गटात विभागले जातील. सुपर-8 टप्प्यात दोन्ही गटातील अव्वल दोन संघ उपांत्य फेरीत प्रवेश करतील. दोन संघ उपांत्य फेरीच्या दोन सामन्यांद्वारे अंतिम फेरीत प्रवेश करतील.
विश्वचषकाचा गट असा असेल -
अ गट- भारत, पाकिस्तान, आयर्लंड, कॅनडा, अमेरिका
ब गट- इंग्लंड, ऑस्ट्रेलिया, नामिबिया, स्कॉटलंड, ओमान
क गट- न्यूझीलंड, वेस्ट इंडिज, अफगाणिस्तान, युगांडा, पापुआ न्यू गिनी
ड गट- दक्षिण आफ्रिका, श्रीलंका, बांगलादेश, नेदरलँड, नेपाळ
संबंधित बातमी:
महत्त्वाच्या बातम्या
ट्रेंडिंग न्यूज
