(Source: ECI/ABP News/ABP Majha)
Champions Trophy 2025 : चॅम्पियन्स ट्रॉफीसाठी भारत पाकिस्तानला जाणार का? जय शाह यांनी दिलं पीसीबीचं चिंता वाढवणारं उत्तर...
टीम इंडिया चॅम्पियन्स ट्रॉफी 2025 साठी पाकिस्तानला जाणार की नाही, या प्रश्नाचे उत्तर BCCI सचिव जय शाह यांनी दिले आहे.
Jay Shah on Champions Trophy 2025 IND VS PAK : यंदा चॅम्पियन्स ट्रॉफी 2025 चा थरार पाकिस्तानमध्ये रंगणार आहे. पण टीम इंडिया या स्पर्धेसाठी पाकिस्तानला जाण्याच्या मूडमध्ये दिसत नाही. याबाबत आतापर्यंत अनेक बातम्या समोर आल्या आहेत. मात्र आता भारतीय क्रिकेट नियामक मंडळाचे सचिव जय शाह यांनी प्रतिक्रिया दिली आहे. टीम इंडिया टूर्नामेंटसाठी पाकिस्तानला जाणार की नाही हे जय शाह यांनी सांगितलं. जर टीम इंडिया पाकिस्तानला गेली नाही तर ही स्पर्धा हायब्रीड मॉडेल अंतर्गत आयोजित केली जाऊ शकते.
बीसीसीआयचे सचिव जय शाह यांनी नुकतीच चॅम्पियन्स ट्रॉफीवर प्रतिक्रिया दिली. टाईम्स ऑफ इंडियाच्या बातमीनुसार ते म्हणाले की, "सध्या कोणतीही भूमिका घेतलेली नाही." पण चॅम्पियन्स ट्रॉफीसाठी टीम इंडिया पाकिस्तानला जाण्याची शक्यता कमी आहे. आशिया कपसाठी भारतीय संघ पाकिस्तानलाही गेला नव्हता. त्याने आपले सर्व सामने श्रीलंकेत खेळले. गेल्या वेळी हायब्रीड मॉडेल अंतर्गत आशिया कप आयोजित करण्यात आला होता.
भारत आणि बांगलादेश यांच्यात 19 सप्टेंबरपासून कसोटी मालिका खेळली जाणार आहे. यानंतर टी-20 मालिका आयोजित केली जाईल. या मालिकेबाबत जय शाह म्हणाले की, ही आमच्यासाठी खूप महत्त्वाची मालिका असेल. बांगलादेशातील सद्यस्थितीमुळे मालिकेवर कोणताही परिणाम होणार नसल्याचे त्यांनी सांगितले. तेथे सरकार स्थापन झाले आहे.
भारत आणि बांगलादेश यांच्यातील पहिली कसोटी 19 सप्टेंबरपासून आणि दुसरी कसोटी 27 सप्टेंबरपासून खेळली जाणार आहे. यानंतर तीन सामन्यांची टी-20 मालिका होणार आहे. त्याचा पहिला सामना 6 ऑक्टोबर, दुसरा सामना 9 ऑक्टोबर आणि तिसरा सामना 12 ऑक्टोबर रोजी होणार आहे. महत्त्वाची बाब म्हणजे टी-20 मालिकेतील पहिल्या सामन्याचे ठिकाण बदलले आहे. यापूर्वी हा सामना धर्मशाला येथे होणार होता. मात्र आता त्याचे आयोजन ग्वाल्हेरमध्ये केले जाणार आहे.
महत्त्वाच्या बातम्या
ट्रेंडिंग न्यूज
