BCCI Releases 10 New Guidelines: ...तर आयपीएल खेळण्यावर बंदी येणार, पगारही कापणार; बीसीसीआयने खेळाडूंसाठी लागू केला नवा नियम!

BCCI Releases 10 New Guidelines For Indian Players: सर्व खेळाडूंना देशांतर्गत क्रिकेटमध्ये भाग घेणे अनिवार्य असेल, असं बीसीसीआयकडून जारी करण्यात आले आहे.

BCCI Releases 10 New Guidelines

Source : ABP

BCCI Releases 10 New Guidelines For Indian Players: भारतीय क्रिकेट नियामक मंडळाने (बीसीसीआय) 10 नवीन नियम जारी (BCCI Releases 10 New Guidelines For Indian Players) केले आहेत, जे सर्व भारतीय खेळाडूंना पाळणे बंधनकारक असेल. बीसीसीआयच्या या दहा नवीन नियामांचे उल्लंघन केल्यास संबंधित खेळाडूला कठोर शिक्षा देखील दिली जाऊ शकते. नियमांचे उल्लंघन केल्यास पगार कपात ते आयपीएल बंदी अशा गोष्टींचा समावेश असेल.

ऑस्ट्रेलियाविरुद्ध बॉर्डर-गावस्कर ट्रॉफीमध्ये भारताचा 1-3 असा पराभव झाल्यानंतर बीसीसीआयने आक्रमक पवित्रा आहे. याचपार्श्वभूमीवर बीसीसीआयकडून नवीन दहा नियम लागू करण्यात आले आहे. संघात शिस्त, एकता आणि सकारात्मक वातावरण निर्माण करण्यासाठी हे केले जात असल्याचे सांगितले जात आहे. पण असा एक नियम आहे, ज्यामुळे खेळाडूला पगार कपात आणि आयपीएलमधून बंदी अशा शिक्षेला सामोरे जावे लागू शकते.

बीसीसीआयने स्पष्ट केले आहे की, आता सर्व खेळाडूंना देशांतर्गत क्रिकेटमध्ये भाग घेणे अनिवार्य असेल. याशिवाय अनेक कडक नियमही जारी करण्यात आले आहेत. जर कोणत्याही खेळाडूने नियमांचे उल्लंघन केले तर त्याला शिक्षा भोगावी लागेल, असा इशाराही बोर्डाने दिला आहे. एका नवीन नियमात म्हटले आहे की, जर एखादी गंभीर परिस्थिती किंवा समस्या उद्भवली तर, एखादा विशिष्ट खेळाडू मुख्य प्रशिक्षक गौतम गंभीर आणि मुख्य निवडकर्त्याची परवानगी घेतल्यानंतरच या नियमांबाहेर वागू शकतो. जर असे केले नाही तर शिस्तभंगाची कारवाई केली जाऊ शकते.

📢 THE BCCI RELEASES 10 NEW GUIDELINES FOR INDIAN PLAYERS. pic.twitter.com/5SXoPOrjz0

— Mufaddal Vohra (@mufaddal_vohra) January 16, 2025

...तर आयपीएलमध्ये खेळण्यास बंदी 

बीसीसीआयचे म्हणणे आहे की, सर्व खेळाडूंना बोर्डाने आयोजित केलेल्या कोणत्याही स्पर्धेत खेळणे बंधनकारक असेल, ज्यामध्ये आयपीएलचाही समावेश असेल. जर एखादा खेळाडू या नियमाचे उल्लंघन करताना आढळला तर त्याला बोर्डाकडून त्याच्या पगारात कपात, त्याच्या सामन्याच्या मानधनात कपात किंवा आयपीएल बंदी देखील लागू शकते.

रणजी ट्रॉफी सामन्यांची पुढील फेरी 23 जानेवारीपासून-

रणजी ट्रॉफीचा पुढील हंगाम 23 जानेवारीपासून सुरू होत असताना बीसीसीआयने हे नियम लागू झाले आहेत. ऋषभ पंत, शुभमन गिल आणि यशस्वी जैस्वाल यांच्यासह अनेक प्रसिद्ध खेळाडू आपापल्या देशांतर्गत संघांकडून खेळतील हे जवळजवळ निश्चित दिसतंय. परंतु रोहित शर्मा आणि विराट कोहली रणजी क्रिकेट स्पर्धेत भाग घेणार की नाही अद्याप अधिकृत माहिती समोर आलेली नाही. 

संबंधित बातमी: