Team India Squad : आशिया कपसाठी भारतीय संघाची घोषणा, रोहित कर्णधार तर राहुल उपकर्णधार, विराटही संघात

Asia Cup Team India Squad : 27 ऑगस्टपासून सुरु होणाऱ्या आशिया कप स्पर्धेसाठी भारताने नुकताच संघ जाहीर केला आहे. यावेळी दुखापतीमुळे अनुभवी गोलंदाज जसप्रीत बुमराह स्पर्धेला मुकणार आहे.

Team India

Asia Cup :  आशिया खंडातील देशांसाठी विश्वचषकानंतर सर्वात मोठी क्रिकेट स्पर्धा म्हणजे आशिया कप. तर यंदाच्या आशिया कप 2022 (Asia Cup 2022) साठीचं वेळापत्रक काही दिवसांपूर्वीच जाहीर झालं होतं. त्यानंतर आता भारतीय क्रिकेट नियामक मंडळ अर्थात बीसीसीआयने (BCCI) स्पर्धेसाठीचा भारतीय संघ जाहीर केला आहे. यावेळी रोहित शर्मा कर्णधार तर केएल राहुल उपकर्णधार असणार आहे. विशेष म्हणजे दुखापतीमुळे अनुभवी गोलंदाज जसप्रीत बुमराह स्पर्धेला मुकणार आहे. विराटलाही संघात संधी मिळाली असून नेमकी टीम कशी आहे पाहूया...

कसा आहे भारतीय संघ?

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पांड्या, रवींद्र जाडेजा, रवीचंद्रन आश्विन, युजवेंद्र चहल, रवी बिश्नोई, भुवनेश्वर कुमार, अर्शदीप सिंह, आवेश खान. 

राखीव - दीपक चाहर, श्रेयस अय्यर, अक्षर पटेल

🚨#TeamIndia squad for Asia Cup 2022 - Rohit Sharma (Capt ), KL Rahul (VC), Virat Kohli, Suryakumar Yadav, Deepak Hooda, R Pant (wk), Dinesh Karthik (wk), Hardik Pandya, R Jadeja, R Ashwin, Y Chahal, R Bishnoi, Bhuvneshwar Kumar, Arshdeep Singh, Avesh Khan.

— BCCI (@BCCI) August 8, 2022

अनुभवी खेळाडूंना डच्चू 

भारतीय संघाचा विचार करता यामध्ये काही दिग्गज खेळाडूंना डावलण्यात आलं आहे. ज्यामध्ये सलामीवीर शिखऱ धवन, गोलंदाज मोहम्मद शमी यांचा समावेश आहे. शिखर मागील काही काळापासून फॉर्ममध्ये आहे. आयपीएलमध्येहील त्याने चांगली कामगिरी केली. पण तरीही त्याला सलामीवीर म्हणून संघात स्थान मिळालं नाही. याशिवाय मोहम्मद शमीसारखा अनुभवी गोलंदाजही संघात नसल्याचं दिसून आलं आहे. बुमराह दुखापतीमुळे बाहेर असल्याने अनुभवी गोलंदाज म्हणून भुवनेश्वर कुमारच संघात आहे. तसंच ईशान किशन, संजू सॅमसन या युवांनाही संधी मिळालेली नाही. दीपक हुडाला मात्र संघात स्थान मिळालं आहे.

कसं आहे वेळापत्रक?

यंदा आशिया कपमध्ये भारत, पाकिस्तान, श्रीलंका, बांग्लादेश आणि अफगाणिस्तान हे पाच देश एकमेंकाविरुद्ध मैदानात उतरणार आहेत. यावेळी भारताचा स्पर्धेतील पहिलाच सामना कट्टर प्रतिस्पर्धी पाकिस्तानविरुद्ध 28 ऑगस्ट रोजी होणार आहे. या स्पर्धेतील सर्व सामने युएईमध्ये होणार असून दुबई, शारजाह या मैदानात सामने रंगतील. 11 सप्टेंबर रोजी अंति सामना पार पडणार असून नेमकं वेळापत्रक कसं आहे पाहूया...

सामना	दिवस	दिनांक	संघ	ग्रुप	ठिकाण
1	शनिवार	27 ऑगस्ट	अफगाणिस्तान विरुद्ध श्रीलंका	बी	दुबई
2	रविवार	28 ऑगस्ट	भारत विरुद्ध पाकिस्तान	ए	दुबई
3	मंगळवार	30 ऑगस्ट	बांग्लादेश विरुद्ध अफगाणिस्तान	बी	शारजाह
4	बुधवार	31 ऑगस्ट	भारत विरुद्ध पात्र संघ	ए	दुबई
5	गुरुवार	1 सप्टेंबर	श्रीलंका विरुद्ध बांग्लादेश	बी	दुबई
6	शुक्रवार	2 सप्टेंबर	पाकिस्तान विरुद्ध पात्र संघ	ए	शारजाह
7	शनिवार	3 सप्टेंबर	ग्रुप बी पात्र 1 विरुद्ध ग्रुप बी पात्र 2	सुपर 4	शारजाह
8	रविवार	4 सप्टेंबर	ग्रुप ए पात्र 1 विरुद्ध ग्रुप ए पात्र 2	सुपर 4	दुबई
9	मंगळवार	6 सप्टेंबर	ग्रुप ए पात्र 1 विरुद्ध ग्रुप बी पात्र 1	सुपर 4	दुबई
10	बुधवार	7 सप्टेंबर	ग्रुप ए पात्र 2 विरुद्ध ग्रुप बी पात्र 2	सुपर 4	दुबई
11	गुरुवार	8 सप्टेंबर	ग्रुप ए पात्र 1 विरुद्ध ग्रुप बी पात्र 2	सुपर 4	दुबई
12	शुक्रवार	9 सप्टेंबर	ग्रुप बी पात्र 1 विरुद्ध ग्रुप ए पात्र 2	सुपर 4	दुबई
13	रविवार	11 सप्टेंबर	सुपर 4 पात्र 1 विरुद्ध सुपर 4 पात्र 2	सुपर 4	दुबई

The wait is finally over as the battle for Asian supremacy commences on 27th August with the all-important final on 11th September.

The 15th edition of the Asia Cup will serve as ideal preparation ahead of the ICC T20 World Cup. pic.twitter.com/QfTskWX6RD

— Jay Shah (@JayShah) August 2, 2022  

 

हे देखील वाचा-