IND VS SA : सायकल तुटली म्हणून 40 किमी पायी प्रवास, क्रिकेटसाठी संघर्ष करणाऱ्या गोलंदाजाची भारतीय संघात निवड

India vs South Africa : आयपीएल संपताच लगेचच भारत आणि दक्षिण आफ्रिका यांच्यात 5 सामन्यांची टी20 मालिका 9 जून पासून सुरु होत असून बीसीसीआयने यासाठी संघाची निवड देखील केली आहे.

भारतीय संघ

South africa tour of India : भारतीय निवडकर्त्यांनी दक्षिण आफ्रीका दौऱ्यासाठी भारतीय संघ काही दिवसांपूर्वी जाहीर केला. यावेळी केएल राहुललं कर्णधारपद मिळालं असून बऱ्याच युवा खेळाडूंची फौज संघात आहे. त्यात पहिल्यांदाच संधी मिळालेले गोलंदाज उमरान मलिक आणि अर्शदीप सिंह यांनी यांचं सर्वत्र विशेष कौतुक होत आहे. दरम्यान अर्शदीपचा आतापर्यंतचा प्रवास थक्क करणारा आहे. अर्शदीपची आई बलजीत कौर यांनी त्याच्या संघर्षाबद्दल मीडियाला माहिती दिली.

इंडियन एक्सप्रेसशी बोलताना बलजीत म्हणाल्या, 'अर्शदीप मला प्रत्येक सामन्यापूर्वी फोन करतो. रविवारी सायंकाळी मला फोन केला होता. तेव्हा तो म्हणाला, ''आई, माझं भारतीय संघात सिलेक्शन झालं आहे.' त्या क्षणाला मी माझे अश्रू थांबवू शकले नाही. हा एक व्हिडीओ कॉल होता आणि यावेळी त्याचे साथीदार हरप्रीत ब्रार आणि बलतेज सिंहही त्याच्या सोबत होते. त्याने ही बातमी देताच संघाने बसमध्ये नाचायला सुरुवात केली.'' अर्शदीपचे वडिल एक सुरक्षा अधिकारी असून त्यांनीच अर्शदीपला गोलंदाजी करताना पाहिल्यानंतर त्याला चंदीगडला कोच जसवंत राय यांच्याकडे घेऊन गेले.

सायकल खराब झाली म्हणून 40 किमी पायी प्रवास

चंदीगडच्या अकादमीत ट्रेनिंगसाठी अर्शदीपला दिवसातून दोन वेळा प्रॅक्टिसला जावं लागत होतं. दरम्यान अर्शदीपची अॅक्शन आणि स्वींग उत्तम असल्याचं त्याच्या कोचनेही ओळखलं. दरम्यान एक दिवस अर्शदीपला सरावाला यायला उशीर झाला,  या वेळी त्याला कारण विचारल असतं सायकलची चेन तुटल्यामुळे तो पायी प्रवास करुन असल्याचं त्याने सांगितलं 

यंदा पंजाबने केलं रिटेन

आयपीएल 2022 (IPL 2022) स्पर्धेच्या महालिलावापूर्वीच पंजाब किंग्सने अर्शदीप सिंहला तब्बल 4 कोटी रुपये देत रिटेन केलं होतं. पंजाबने केवळ दोन खेळाडूंना यंदा रिटेन केलं. यामध्ये कर्णधार मयांक अगरवालसाठी 12 कोटी तर अर्शदीपसाठी 4 कोटी रुपये संघाने मोजले. अर्शदीप रिटेन करण्यात आलेल्या अनकॅप्ड खेळाडूंपैकी एक होता. त्याने 2021 च्या हंगामात 12 सामन्यात 19 च्या सरासरीने आणि 8.27 च्या इकॉनॉमी रेटने 18 विकेट्स घेतल्या होत्या.

हे देखील वाचा- 

• IPL Playoff 2022 : आयपीएल प्लेऑफ तसंच अंतिम सामन्यादरम्यान पाऊस पडला तर...,असे असतील नियम