Ranji Trophy : हरियाणाच्या पोरांनी मुंबईला फुटला घाम, सूर्यकुमार, रहाणे सगळेच फेल; आता मुंबईपुढे करो या मरो!
2024-25 च्या रणजी ट्रॉफीच्या तिसऱ्या क्वार्टरफायनल सामन्यात हरियाणाच्या पोरांनी गतविजेत्या मुंबईला गुडघे टेकण्यास भाग पाडले.
Mumbai vs Haryana Ranji Trophy Quarterfinal : 2024-25 च्या रणजी ट्रॉफीच्या तिसऱ्या क्वार्टरफायनल सामन्यात हरियाणाच्या पोरांनी गतविजेत्या मुंबईला गुडघे टेकण्यास भाग पाडले. नॉकआउट सामना 8 फेब्रुवारी रोजी कोलकात्यातील ईडन गार्डन्स येथे सुरू झाला, ज्यामध्ये मुंबईने प्रथम फलंदाजी करण्याचा निर्णय घेतला. मुंबईचा कर्णधार अजिंक्य रहाणेचा हा निर्णय एकदम चुकीचा ठरला. परिस्थिती अशी आहे की मुंबईच्या अर्ध्याहून अधिक संघ 100 धावांचा टप्पा गाठण्यापूर्वीच पॅव्हेलियनमध्ये परतला आहे.
रहाणे-दुबे आणि सूर्यकुमार हे सर्व ठरले अपयशी...
हरियाणाच्या अंशुल कंबोजच्या घातक गोलंदाजीसमोर मुंबईच्या फलंदाजांना संघर्ष करावा लागला. मुंबई संघाची सुरुवात इतकी खराब झाली की, टॉप ऑर्डरचे तिन्ही फलंदाज फक्त 14 धावांवर पॅव्हेलियनमध्ये परतले आणि तिघेही क्लीन बोल्ड झाले. अजिंक्य रहाणेने काही काळ एका टोकाला होता, परंतु सुमित कुमारने त्याला 31 धावांवर क्लीन बोल्ड केले.
25 धावा होईपर्यंत मुंबई संघाने चार विकेट गमावल्या होत्या. दरम्यान, अजिंक्य रहाणे आणि शिवम दुबे यांच्यात 40 धावांची छोटी पण महत्त्वाची भागीदारी झाली. पण दुबे जास्त काळ क्रीजवर राहू शकला नाही आणि 28 धावा करून बाद झाला. 94 धावसंख्येपर्यंत मुंबई संघाने 6 विकेट गमावल्या आहेत. भारताच्या टी-20 संघाचा कर्णधार सूर्यकुमार यादवही मुंबईकडून खेळत आहे, पण त्याचा खराब फॉर्म अजूनही सुरूच आहे. सूर्या फक्त 9 धावा करून बाद झाला.
मुंबई रणजी ट्रॉफीमध्ये गतविजेता आहे, गेल्या हंगामात अंतिम सामन्यात विदर्भाला 169 धावांनी हरवून त्यांनी 42 व्यांदा रणजी ट्रॉफीचे विजेतेपद जिंकले. इतर उपांत्यपूर्व सामन्यांबद्दल बोलायचे झाले तर, जम्मू आणि काश्मीरचा सामना केरळशी होईल, तामिळनाडूचा सामना विदर्भाशी होईल आणि सौराष्ट्राचा सामना गुजरातशी होईल. मुंबईचा सामना हरियाणा विरुद्ध खेळला जात आहे.
उपांत्यपूर्व सामन्यांसाठी मुंबईचा संघ -
अजिंक्य रहाणे (कर्णधार), आयुष म्हात्रे, अंगकृष रघुवंशी, सूर्यकुमार यादव, अमोघा भटकळ, सिद्धेश लाड, शिवम दुबे, हार्दिक तामोरे (यष्टीरक्षक), आकाश आनंद (यष्टीरक्षक), सूर्यांश शेडगे, शार्दुल ठाकूर, शम्स मुलानी, तनुष कोटियन, मोहित अवस्थी, सिल्वेस्टर डिसूझा, रॉयस्टन डायस, अथर्व अंकोलेकर, हर्ष तन्ना.
उपांत्यपूर्व सामन्यांसाठी हरियाणाचा संघ -
लक्ष्य दलाल, अंकित कुमार (कर्णधार), युवराज योगेंद्र सिंग, हिमांशू राणा, निशांत सिंधू, धीरू सिंग, रोहित प्रमोद शर्मा (यष्टीरक्षक), जयंत यादव, अंशुल कंबोज, अनुज ठकराल, अजित चहल, अशोक मेनारिया, युजवेंद्र चहल, हर्षल पटेल, अमन कुमार, कपिल हुडा, सुमित कुमार, मयंक शांडिल्य.
हे ही वाचा -
महत्त्वाच्या बातम्या
