(Source: ECI | ABP NEWS)
Brij Bhushan Singh on Vinesh Phogat : माझं नाव घेऊन विनेश फोगाट निवडणूक जिंकली, पण काँग्रेसला बुडवलं; हरियाणाच्या निकालानंतर बृजभूषण सिंहांचं वक्तव्य
Vinesh Phogat Haryana Election Results : महिला स्टार कुस्तीपटू विनेश फोगाट हिने हरियाणा विधानसभा निवडणुकीत भाजपचे नेते योगेश बैरागी यांना धुळ चारत जिंकण्याचा पराक्रम केला आहे.
Brij Bhushan Singh on Vinesh Phogat : महिला स्टार कुस्तीपटू विनेश फोगाट हिने हरियाणा विधानसभा निवडणुकीत भाजपचे नेते योगेश बैरागी यांना धुळ चारत जिंकण्याचा पराक्रम केला आहे. विनेश फोगाटने योगेश बैरागी यांचा जिंदमधील जुलाना जागेवर (Julana Assembly Elections 2024) चुरशीच्या लढतीत पराभव केला. सुरुवातीच्या ट्रेंडमध्ये विनेश मागे पडली होती, पण नंतर ती पुढे आली आणि जिंकली. विनेश फोगाटने योगेश बैरागी यांचा 6005 मतांनी पराभव केला आणि पहिल्यांदा विधानसभेत पोहोचल्या.
दरम्यान, हरियाणा विधानसभा निवडणुकीच्या निकालाबाबत भाजपचे माजी खासदार ब्रिजभूषण शरण सिंह यांची प्रतिक्रिया समोर आली आहे. पैलवानांच्या नावावर ज्या पद्धतीने शेतकऱ्यांची कोंडी करण्याचा प्रयत्न झाला, तो जनतेने नाकारला, असे ते म्हणाले. त्याचवेळी कुस्तीपटू आणि काँग्रेस उमेदवार विनेश फोगाट यांच्या विजयाबाबत ब्रिजभूषण म्हणाले की, ती जिंकली असली तरी काँग्रेस बुडाली आहे.
ब्रिजभूषण शरण सिंह म्हणाले की, जर ती (विनेश फोगट) आमचे नाव घेऊन जिंकली तर याचा अर्थ आम्ही महान लोक आहोत. निदान माझ्या नावात तरी एवढी ताकद आहे की माझ्या नावाने त्यांची बोट पार झाली, पण काँग्रेस बुडाली... राहुलबाबांचं काय होणार?
#WATCH गोंडा, उत्तर प्रदेश: जुलाना निर्वाचन क्षेत्र से कांग्रेस उम्मीदवार विनेश फोगाट की जीत पर पूर्व WFI अध्यक्ष और भाजपा नेता बृज भूषण शरण सिंह ने कहा, "हमारा नाम लेकर अगर वे(विनेश फोगाट) जीत गईं तो इसका मतलब हम महान आदमी हैं। कम से कम मेरे नाम में इतना दम तो है कि मेरा नाम… pic.twitter.com/DwGdIJIFbc
— ANI_HindiNews (@AHindinews) October 8, 2024
उल्लेखनीय आहे की, ब्रिजभूषण शरण सिंह यांच्यावर अनेक महिला कुस्तीपटूंचे लैंगिक शोषण केल्याचा आरोप करून गेल्या वर्षी दिल्लीतील जंतरमंतरवर आंदोलन करणाऱ्या कुस्तीपटूंमध्ये विनेश फोगाट यांचा समावेश होता. कुस्तीपटूंच्या आरोपानंतर भारतीय कुस्ती विश्वात खळबळ उडाली होती. भाजपने ब्रिजभूषण सिंह यांचे तिकीट रद्द करून त्यांच्या मुलाला लोकसभेचे उमेदवार केले होते. ब्रिजभूषण यांच्याविरोधातील लैंगिक शोषणाचा खटला अजूनही न्यायालयात सुरू आहे.
कुस्तीपटू विनेश फोगाट हरियाणाच्या जिंद जिल्ह्यातील जुलाना विधानसभा मतदारसंघातून विजयी झाली आहे. तिने भाजपचे कॅप्टन योगेश बैरागी यांचा 6 हजारांहून अधिक मतांनी पराभव केला आहे. विनेशची ही पहिलीच निवडणूक होती. मात्र, त्यांचा पक्ष (काँग्रेस) निवडणुकीत सरकार स्थापन करण्यात अपयशी ठरल्याचे दिसते.
दुपारी 3 वाजेपर्यंतचे निकाल पाहता हरियाणात भाजप हॅट्ट्रिक करणार असल्याचे स्पष्ट झाले आहे. हा एक विक्रम आहे, कारण हरियाणात कोणत्याही पक्षाने सलग तिसऱ्यांदा निवडणूक जिंकलेली नाही. इतकेच नाही तर हरियाणाच्या इतिहासातील ही भाजपची आतापर्यंतची सर्वोत्तम कामगिरी आहे. भाजपला यापूर्वी कधीही 50 चा आकडा गाठता आलेला नाही.
हे ही वाचा -
महत्त्वाच्या बातम्या
ट्रेंडिंग न्यूज
