BCCI on Match Fee Hike : स्थानिक क्रिकेटपटूंच्या मानधनात भरघोस वाढ, BCCI ने केली मोठी घोषणा

बीसीसीआय (BCCI) सचिव जय शाह (Jay Shah) यांनी सोमवारी ट्विट करत फी वाढवल्याची माहिती दिली आहे. देशांतर्गत क्रिकेट खेळणाऱ्यांसाठी हा निर्णय घेण्यात आला आहे.

BCCI Logo, Photo Courtesy: AFP

Domestic Cricketers Fee Hike:  देशांतर्गत क्रिकेट खेळणाऱ्यांसाठी आनंदाची बातमी आहे. बीसीसीआयने स्थानिक क्रिकेटपटूंच्या मानधनात वाढ झाल्याची घोषणा केली आहे.  बीसीसीआय (BCCI) सचिव जय शाह (Jay Shah) यांनी सोमवारी ट्विट करत सांगितले की, बीसीसीआयने स्थानिक क्रिकेटपटूंची फी वाढवण्याचा निर्णय घेतला आहे. जय शाह यांच्या ट्वीटनुसार 40 पेक्षा अधिक मॅच खेळणाऱ्या खेळाडूंना आता  60,000 रुपये मिळणार आहे. तर 23 वर्षांपेक्षा कमी वय असणाऱ्या खेळाडूंना 25,000 रुपये आणि 19 पेक्षा कमी वय असणाऱ्या क्रिकेटपटूंना 20,000 रुपये मिळणार आहे.

2019-20 या वर्षात स्थानिक क्रिकेट सामने रद्द झाले होते. त्यामुळे स्थानिक क्रिकेटपटूंचे मोठ्या प्रमाणात नुकसान झाले होते. त्यामुळे क्रिकेटपटूंना कोरोना महामारीमुळे स्थगित झालेल्या सीजनचा भरपाई म्हणून 2020-21 मध्ये मॅच फिमध्ये 50 टक्के वाढ दिली जाणार आहे.

काय म्हणाले जय शाह आपल्या ट्वीटमध्ये?

बीसीसीआय सचिव जय शाह ट्वीट करत म्हणाले,  मला स्थानिक क्रिकेटपटूंच्या मॅचची फी वाढवण्यात आल्याची घोषणा करताना अतिशय आनंद होत आहे.  सीनियर्स - INR 60,000 (40 मॅचपेक्षा अधिक), अंडर 23- INR 25,000, अंडर 19- INR 20,000

I am pleased to announce the hike in match fee for domestic cricketers.

Seniors – INR 60,000 (above 40 matches).

Under 23- INR 25,000

Under 19 – INR 20,000#BCCIApexCouncil

— Jay Shah (@JayShah) September 20, 2021

आतापर्यंत किती फी देण्यात येत होती?

आता पर्यंत स्थानिक क्रिकेटपटूंना रणजी  ट्रॉफी आणि विजय ट्रॉफी खेळण्याकरता प्रत्येक मॅचला 35,000 रुपये मिळत होते. त्याशिवाय सय्यद मुस्ताक अली ट्रॉफी खेळणाऱ्या खेळाडूंना प्रत्येक मॅचला 17,500 रुपये दिले जातात. ज्या खेळाडूंना मॅच खेळण्याची संधी मिळते त्यांना हे पैसे दिले जातात. तर राखीव खेळाडूंना अर्धी रक्कम दिली जाते.