James Foster CSK Fielding Coach : चेन्नई सुपर किंग्सच्या कोचिंग स्टाफमध्ये बदल; इंग्लंडच्या माजी खेळाडूला मिळाली मोठी जबाबदारी
James Foster CSK New Fielding Coach Marathi News : चेन्नई सुपर किंग्सने आयपीएल 2026 पूर्वी आपल्या कोचिंग स्टाफमध्ये मोठा बदल केला आहे.
James Foster CSK New Fielding Coach : चेन्नई सुपर किंग्सने आयपीएल 2026 पूर्वी आपल्या कोचिंग स्टाफमध्ये मोठा बदल केला आहे. संघाने इंग्लंडचा माजी विकेटकीपर-फलंदाज जेम्स फॉस्टरची (James Foster) नवीन फील्डिंग कोच म्हणून नियुक्ती केली आहे. 45 वर्षीय फॉस्टर आगामी हंगामात संघासोबत काम करत खेळाडूंच्या फिल्डिंगमध्ये सुधारणा घडवून आणण्याची जबाबदारी सांभाळणार आहेत.
फॉस्टर आता त्या कोचिंग टीमचा भाग असतील ज्याचे नेतृत्व माजी न्यूझीलंड कर्णधार स्टीफन फ्लेमिंग (Stephen Fleming) करत आहेत. संघाचे फलंदाजी प्रशिक्षक मायकल हसी (Michael Hussey) तर गोलंदाजी प्रशिक्षक एरिक सायमन्स (Eric Simons) आहेत. मागील काही हंगाम अपेक्षेप्रमाणे न गेल्यामुळे चेन्नई यंदा नव्या जोमाने मैदानात उतरण्याच्या तयारीत आहे.
चेन्नई सुपर किंग्सने पोस्ट करत दिली माहिती (James Foster CSK New Fielding Coach)
सोशल मीडियावर पोस्ट करत चेन्नई सुपर किंग्सने लिहिले, “आमचे नवीन फील्डिंग कोच जेम्स फॉस्टरचे स्वागत. इंग्लंडचे माजी विकेटकीपर आणि जगभरातील अनेक संघांसोबत कोचिंगचा अनुभव असलेले जेम्स फॉस्टर आता आमच्यासोबत या नव्या प्रवासाची सुरुवात करत आहेत.”
जेम्स फॉस्टरकडे कोचिंगचा मोठा अनुभव (James Foster Coaching Experience)
जेम्स फॉस्टर याने इंग्लंडसाठी 2001 ते 2009 दरम्यान 7 कसोटी, 11 वनडे आणि 5 टी20 आंतरराष्ट्रीय सामने खेळले आहेत. आंतरराष्ट्रीय क्रिकेटमधून निवृत्ती घेतल्यानंतर त्याने कोचिंगमध्ये पाऊल ठेवले आणि अनेक संघांसोबत काम केले. तो इंग्लंड आणि न्यूझीलंडच्या राष्ट्रीय संघांच्या कोचिंग स्टाफमध्येही राहिला आहेत.
याशिवाय यावर्षी त्याने डेजर्ट वायपर्स संघाला इंटरनॅशनल लीग टी-20चे विजेतेपद मिळवून देण्यात महत्त्वाची भूमिका बजावली. सध्या तो बर्मिंगहॅम फिनिक्स संघाचा सहाय्यक प्रशिक्षक म्हणूनही काम करत आहेत, जो द हंड्रेड लीगमध्ये खेळतो.
Say Yellove to our fielding coach James Foster! 💛💪🏻
— Chennai Super Kings (@ChennaiIPL) March 16, 2026
Former England wicketkeeper and a coach with experience across teams worldwide, he now kicks off this new chapter with the Pride. 🦁#WhistlePodu #Dencoming pic.twitter.com/hXkWDBiqEX
30 मार्चपासून CSK च्या मोहीमेची सुरुवात (CSK campaign begins on March 30 IPL 2026)
पाच वेळा आयपीएल जिंकलेल्या चेन्नई सुपर किंग्सचा आयपीएल 2026 मधील पहिला सामना 30 मार्च रोजी राजस्थान रॉयल्सविरुद्ध गुवाहाटी येथे होणार आहे. त्यानंतर 4 एप्रिलला चेन्नई आपल्या घरच्या मैदानावर पंजाब किंग्सविरुद्ध खेळणार आहे. आता लक्ष असेल की नवीन फील्डिंग कोच जेम्स फॉस्टरच्या मार्गदर्शनाखाली संघाची फिल्डिंग किती सुधारते.
हे ही वाचा -
महत्त्वाच्या बातम्या
