खुद्द कलेक्टर जेव्हा ड्रायव्हर बनतात...

जिल्हाधिकाऱ्यांनी ड्रायव्हरचा अनोखा सन्मान केल्यामुळं सध्या श्रीकांत यांच्यावर कौतुकाचा वर्षाव होतोय.. अकोल्याचे जिल्हाधिकारी जी. श्रीकांत त्यांच्या ‘लो प्रोफाइल’ आणि ‘दबंग’ कामगिरीसाठी प्रसिद्ध आहेत. त्यांनी केलेला हा आगळावेगळा सन्मान लोकांशी अधिक जवळीक साधेल, एवढं नक्की!

अकोल्याच्या जिल्हाधिकाऱ्यांनी 33 वर्षे सेवेत असलेल्या ड्रायव्हरचा अनोखा सन्मान केला. ड्रायव्हर म्हणून 33 वर्ष सेवा बजावल्यानंतर, निवृत्तीच्या दिवशी निरोपासाठी खुद्द कलेक्टर ड्रायव्हिंग सीटवर बसले आणि आपल्या ड्रायव्हरचं सारथ्य केलं. अकोल्याचे जिल्हाधिकारी जी श्रीकांत गाडी चालवत आहेत आणि त्यांचा ड्रायव्हर दिगंबर ठक ऐटीत मागे बसलेत, असं चित्र अकोल्यात पाहायला मिळालं.