एक्स्प्लोर

राशिदचा धमाका,अफगाणिस्तानने बांगलादेशचा काटा काढला

By : एबीपी माझा वेब टीम | Updated at : 21 Sep 2018 08:31 AM (IST)

1/8

2/8

या सामन्यात अफगाणिस्ताननं 50 षटकांत सात बाद 255 धावांची मजल मारली होती. बांगलादेशला विजयासाठी 256 धावांचा पाठलाग करणं झेपलं नाही. अफगाण गोलंदाजांनी त्यांचा अख्खा डाव 42.1 षटकात अवघ्या 119 धावांत गुंडाळला. या विजयामुळे अफगाणिस्तान ब गटात अव्वलस्थानी पोहोचला आहे.

3/8

फलंदाजीनंतर राशिदने गोलंदाजीतही कमाल केली. राशिदने 9 षटकं टाकली, यातील तीन षटकात एकही धाव न देता मेडन टाकली. तर केवळ 13 धावा देत 2 विकेटही घेतल्या. तसंच त्याने क्षेत्ररक्षण करताना एक धावबादही केला.

4/8

बर्थडे बॉय आणि मॅन ऑफ द मॅच राशिद खानच्या अष्टपैलू कामगिरीने, अफगाणिस्तानने बांगलादेशवर तब्बल 136 धावांनी धुव्वा उडवत आशिया चषकाच्या साखळीत दुसरा सनसनाटी विजय मिळवला. याआधी आशिया चषकाच्या ब गटात अफगाणिस्ताननं श्रीलंकेवरही 91 धावांनी दणदणीत मात केली होती. त्यापाठोपाठ बांगलादेशचा फडशा पाडून अफगाणिस्ताननं वन डे क्रिकेटमध्ये आपण कच्चं लिंबू राहिलो नसल्याचं दाखवून दिलं.

5/8

या सामन्यात नाणेफेक जिंकून अफगाणिस्तानने प्रथम फलंदाजीचा निर्णय घेतला.

6/8

राशिदने 32 चेंडूत 8 चौकारांसह नाबाद 57 धावा ठोकल्या. तर नायबने 38 चेंडूत 5 चौकारांसह 42 धावा केल्या.

7/8

मात्र एकवेळ अफगाणिस्तान 200 धावाही करु शकतं की नाही अशी परिस्थिती होती. मात्र राशिद खानने गुलबदिन नायबसोबत आठव्या विकेटसाठी तब्बल 95 धावांची भागीदारी केली आणि संघाला सन्मानजनक धावसंख्या गाठून दिली.

8/8