Israel Iran War: इस्रायलचा लेबनॉनमध्ये मिसाईल हल्ला; एबीपी न्यूजचे जगविंदर पटियाल यांचं स्पेशल कव्हरेज

Israel Iran War: हिज्बुल्लाहच्या तळावर हवाई हल्ले आणि हसन नसरल्लाहचा खात्मा केल्यानंतर इस्रायली सैन्य लेबनानमध्ये घुसलं आहे.

Israel Iran War

इस्रायलने लेबनॉनमध्ये बिंत जेबिलसह काही स्थळांवर हल्ले केले आहेत. सदर हल्ल्यांमध्ये हिजबुल्लाहच्या 15 सदस्यांचा मृत्यू झाल्याचा दावा इस्रायलच्या सैन्याने केला आहे.

एबीपी न्यूजचे रिपोर्टर जगविंदर पटियाल हे लेबनॉन येथे वार्तांकन करत असताना, त्याच्याजवळच एक बॉम्बस्फोट झाला. सुदैवाने पटियाल यांना कोणतीही दुखापत झाली नाही.

एबीपी न्यूजचे रिपोर्टर जगविंदर पटियाल ज्या इमारतीत हिजबुल्लाहची लोक सकाळी सभा घेत असत त्या इमारतीजवळ वार्तांकन करत होते.

इस्रायलच्या हल्ल्यानंतर आजूबाजूच्या इमारती पूर्णपणे उद्ध्वस्त झाल्या आहेत.

इस्त्रायली ड्रोन या भागात सतत फिरत असल्याचे पटियाल यांनी सांगितले. ड्रोनचा आवाज सतत ऐकू येतो. पण जास्त उंचीमुळे त्यांना कोणीच पाहू शकत नाही.

एबीपी न्यूजचे रिपोर्टर जगविंदर पटियाल यांनी सांगितले की, इस्रायल लेबनॉनची राजधानी बेरूतमधील ज्या भागात बहुमजली इमारती आहेत त्यांना सतत लक्ष्य करत आहे.