तिलारी खोऱ्यात आढळला दुर्मिळ प्रजातीचा साप; व्हायपरसारखा नाकाड्या-चापडा

तळकोकण म्हणजे जैवविविधतेचे भंडार म्हणून ओळखला जाणारा प्रदेश. पर्यटकांसाठी निसर्ग सौंदर्याचा आनंद देणारं ठिकण म्हणजे कोकण. याच कोकणात सापांच्या दुर्मिळ प्रजाती आढळून येतात.

Snake in sindhudurg

तळकोकण म्हणजे जैवविविधतेचे भंडार म्हणून ओळखला जाणारा प्रदेश. पर्यटकांसाठी निसर्ग सौंदर्याचा आनंद देणारं ठिकण म्हणजे कोकण. याच कोकणात सापांच्या दुर्मिळ प्रजाती आढळून येतात.

सिंधुदुर्ग जिल्ह्यातील दोडामार्ग मधील तिलारी खोऱ्यात सापाची दुर्मिळ प्रजाती आढळली आहे. महाराष्ट्रात हा साप फक्त तिलारीच्या खोऱ्यात आढळतो.

नाकाड्या चापडा (Hump Nosed Pit Viper) असलेल्या या सापांच्या दुर्मिळ प्रजातीची तिलारीमधील केर-भेकुर्ली भागात सिंधुदुर्ग जिल्ह्यातील पहिलीच नोंद झाली आहे.

वन्यजीव अभ्यासक तुषार देसाई यांना हा दुर्मीळ प्रजातीचा साप आढळून आला आहे. नाकाड्या चापडा विषारी सापांमधील जगभरात प्रसिद्ध असलेल्या वर्गातील व्हायपर सापांचा अत्यंत दुर्मीळ साप आहे.

हा साप इतर पिट व्हायपरसारखा असून हा झाडावर न राहाता खाली जमिनीवरच आढळतो. तपकिरी करड्या रंगाच्या या सापावर काळे काळे ठिपके पाहायला मिळतात.

पालापाचोळ्यामध्ये, झाडांच्या मुळांजवळ, दगडांखाली हा साप दिसून येतो. मात्र, हा साप केवळ अतिदाट, घनदाट जंगलात आढळतो.

सिंधुदुर्ग जिल्ह्यातील तळकोकणात निसर्गरम्य ठिकाणासह घनदाट जंगल पाहायला मिळते, त्यामुळेच तिथं हा साप आढळून आल्याची शक्यता वर्तवली जात आहे.