एक्स्प्लोर

Pune gangster Sharad Mohol : कुख्यात गँगस्टर शरद मोहोळचा भयावह शेवट; दिवसाढवळ्या झालेल्या हत्याकांडाने पुणे हादरले

By : एबीपी माझा वेब टीम | Updated at : 05 Jan 2024 05:36 PM (IST)

Pune gangster Sharad Mohol

1/10

तलवार गँगचा हैदोस सुरु असतानाच पुण्यनगरी (Pune Crime) पुन्हा एकदा दिवसाढवळ्या झालेल्या हत्याकांडाने हादरले आहे. पुण्यातील कुख्यात गुंड शरद मोहोळची आज (5 जानेवारी) लग्नाच्या वाढदिनीच गोळ्या झाडून हत्या करण्यात आली.

2/10

कोथरुडमधील सुतादऱ्यात बाईकवरून आलेल्या हल्लेखोरांनी शरद मोहोळवर समोरून गोळ्या झाडल्यानंतर गंभीर जखमी झाला. यानंतर त्याला अत्यंत गंभीर अवस्थेत रुग्णालयात दाखल करण्यात आले, पण त्याचा मृत्यू झाला.

3/10

हल्लेखोरांचा शोध घेण्यासाठी तपास पथके रवाना करण्यात आल्याची माहिती कोथरूड पोलिस ठाण्याचे वरिष्ठ निरीक्षक हेमंत पाटील यांनी दिली आहे.

4/10

गोळीबार झाल्याची घटना आज दुपारी दीड वाजण्याच्या सुमारास घडली. शरद मोहोळवर गोळीबार झाल्याने प्रचंड खळबळ उडाली आहे. शरद मोहोळ विरूध्द अनेक गंभीर गुन्ह्यांची नोंद आहे. काही गुन्ह्यात त्याची निर्दोष सुटका झाली आहे.

5/10

ज्या मुळशी पॅटर्न चित्रपटाने पुण्यातील आणि मुळशी खोऱ्यातील गुन्हेगारीची जगताची ओळख झाली, त्याच मुळशी तालुक्यातील शरद मोहोळ होता.

6/10

गुंड संदीप मोहोळचा ड्रायव्हर म्हणून शरद मोहोळ काम करत होता. मात्र, याच संदीप मोहोळची हत्या झाल्यानंतर तो गुन्हेगार म्हणून नावारुपास आला. शरदचे आई वडिल शेतकरी असून बेताच्या परिस्थितीत मोठा होऊनही गुन्हेगारीकडे वळला होता.

7/10

गुंड शरद मोहोळवर हत्या, हत्येचा प्रयत्न, खंडणी, अपहरण यासारखे अनेक गंभीर गुन्हे दाखल आहेत. पिंटू मारणे हत्या प्रकरणात त्याला बेड्या ठोकण्यात आल्या होत्या. याप्रकरणात तो जामिनावर बाहेर आला.

8/10

दासवे गावचे सरपंच शंकर धिंडले यांचे अपहरण प्रकरणात त्याला पुन्हा अटक करण्यात आली. जुलै 2022 मध्ये शरद मोहोळला पुणे जिल्ह्यातून सहा महिन्यांसाठी तडीपार करण्यात आले होते.

9/10

गुंडगिरीचा धंदा असूनही शरद मोहोळला राजकारणाचे वेध लागले होते. त्यानी आपली प्रतिमा निर्मिती करण्यासाठी सामाजिक कार्यक्रम सुद्धा राबवण्यास सुरुवात केली होती. मात्र, राजकारणातील प्रवेश होण्यापूर्वीच आता त्याचा दिवसाढवळ्या गेम झाला आहे.

10/10