Pune Solapur Highway Fire : पुणे-सोलापूर महामार्गावर अग्नितांडव, आगीत 3 वाहने जळाली

पुणे-सोलापूर महामार्गावर रात्रीच्या वेळी आगीचे तांडव पाहायला मिळाले.

Pune Solapur Highway Fire

पुणे-सोलापूर या राष्ट्रीय महामार्गावर गाड्या धडकून भीषण अग्नितांडव घडलं.

दौंड तालुक्यातील सहजपूर फाटाजवळील पंजाबी ढाबा या ठिकाणी उभ्या असलेल्या ट्रेलरला धडक बसली.

पाठीमागून केमिकल टँकरने धडक दिल्याने भीषण अपघात होऊन केमिकल टेम्पोने पेट घेतला.

यानंतर ट्रेलरने पेट घेतल्याने परिसरात आगीचे लोट दिसत होते.

ही आग मोठ्या प्रमाणावर असल्याने महामार्गाच्या कडेला उभी असलेली तिसरी ही गाडी पेटल्याने अग्नितांडव पाहायला मिळाले.

घटनास्थळी यवत पोलीस, स्थानिक ग्रामस्थ दौंड नगरपालिका, पुणे महानगर पालिका, पीएमआरडीएच्या अग्निशमन दलाच्या मदतीने आग आटोक्यात आली.

सुदैवाने यात कोणतीही जीवितहानी झाली नाही मात्र तीन वाहने जळून खाक झाली.

काही काळ पुणे सोलापूर महामार्गावरील वाहतूक विस्कळीत झाली होती.