Jai Jawan Govinda Pathak: संदीप, दहीहंडी तूच फोडायची... अविनाश जाधव शोधत बसले, जय जवानने 10 थर लावल्यानंतर काय-काय घडलं?

Jai Jawan Govinda Pathak: जोगेश्वरीच्या जय जवान पथकाने मनसे नेते अविनाश जाधव यांच्या दहीहंडी उत्सवात 10 थरांचा मनोरा रचत आपल्या दिवसाची यशस्वी सांगता केली.

Jai Jawan Govinda Pathak

जोगेश्वरीच्या जय जवान गोविंदा पथकाने शनिवारी दहीहंडी उत्सवात तीनवेळा 10 थर रचून नवा विश्वविक्रम प्रस्थापित केला.

ठाण्यात मनसे नेते अविनाश जाधव यांनी आयोजित केलेल्या दहीहंडी उत्सवात जय जवान पथकाने तिसऱ्यांदा 10 थर रचून आपल्या मोहीमेची यशस्वी सांगता केली.

मनसेचे नेते अविनाश जाधव यांनी जय जवानने 10 थर रचल्यानंतर एक जल्लोष केला. यावेळी त्यांनी प्रशिक्षक संदीप ढवळे यांचा हंडी फोडण्याचा आग्रह केला.

संदीप ढवळे यांनी अविनाश जाधव यांच्या विनंतीला मान देत दहीहंडी फोडली.

अविनाश जाधव हे पूर्णवेळ पावसात भिजत गोविंदा पथकांना प्रोत्साहन देत होते. जय जवान गोविंदा पथक 10 थर रचत असताना अविनाश जाधव त्यांचे मनोबल सातत्याने वाढवत होते.

जय जवान गोविंदा पथकाने रात्री धो-धो पाऊस सुरु असताना मनसे नेते अविनाश जाधव यांच्या दहीहंडीतही 10 थर रचले. यानंतर अविनाश जाधव (Avinash Jadhav) यांनी स्टेजवरुन खाली उतरत जय जवान गोविंदा पथकासोबत गुलाल उधळत आनंद साजरा केला.

जय जवानने 10 थर लावल्यानंतर अविनाश जाधव हे स्टेजच्या खाली उतरून त्यांच्या जल्लोषात सामील झाले. यावेळी अविनाश जाधव यांनी 10 कडक थरचा लहानसा फलकही झळकवला.

जय जवान गोविंदा पथकाने घाटकोपर आणि ठाण्यात दोन ठिकाणी 10 थरांचा मनोरा रचून दाखवला.

जय जवान आणि कोकण नगर या दोन गोविंदा पथकांनी यंदा 10 थर रचण्याचा विक्रम केला आहे.

अविनाश जाधव यांच्या दहीहंडी उत्सवात 10 थर रचल्यानंतर जय जवान पथकाच्या गोविंदांनी एकच जल्लोष सुरु केला.

'आज आपण कितीवेळा 10 तर लावले, तीन वेळा लावले. आज हॅटट्रिक केली, ही हॅटट्रिक बापाची आहे. बाप हा बाप असतो', अशा घोषणा जय जवानच्या गोविंदांनी दिल्या.

त्यावर अविनाश जाधव यांनी माईक हातात घेत , सातबारा पण आपल्याच बापाचा आहे', असे म्हटले.