पुन्हा मंत्रिमंडळात घ्या, धनजंय मुंडेंच्या बॅनरला जेसीबीतून दुग्धाभिषेक; गुलाबाच्या पाकळ्यांचा वर्षाव

राज्याचे माजी मंत्री आणि राष्ट्रवादी काँग्रेसचे नेते आमदार धनंजय मुंडे यांचा आज वाढदिवस. त्यानिमित्ताने धनंजय मुंडेंना राज्यभरातून शुभेच्छा दिल्या जात आहेत.

Dhananjay munde JCB milk jalana

राज्याचे माजी मंत्री आणि राष्ट्रवादी काँग्रेसचे नेते आमदार धनंजय मुंडे यांचा आज वाढदिवस. त्यानिमित्ताने धनंजय मुंडेंना राज्यभरातून शुभेच्छा दिल्या जात आहेत. बीडसह विविध जिल्ह्यात त्यांचा वाढदिवस साजरा केला जात आहे.

धनंजय मुंडेंनी वाढदिवसाच्या अगोदरच मी वाढदिवस साजरा करणार नसल्याचे म्हटले होते, तसेच कार्यकर्त्यांनी हार-तुरे, पुष्पगु्च्छ किंवा सेलीब्रेशन न करण्याचं आवाहन देखील त्यांनी केलं होतं. मात्र, त्यांच्यावर शुभेच्छांचा वर्षाव सुरू आहे.

जालन्यात धनंजय मुंडे यांच्या वाढदिवसानिमित्त त्यांच्या प्रतिमेला जेसीबी द्वारे दुग्धाभिषेक करण्यात आला. जेसीबीमध्ये गुलाबाच्या पाकळ्यांनी भरलेला दूध ठेऊन मुंडेंच्या बॅनरवर दूध टाकण्यात आलं

आमदार धनंजय मुंडे यांच्या प्रतिमेला जेसीबीद्वारे दुग्धभिषेक करत, समर्थकांकडून धनंजय मुंडे यांना पुन्हा मंत्रिमंडळात घेण्याची मागणी केली जात आहे.

माजी मंत्री राष्ट्रवादीचे आमदार धनंजय मुंडे यांच्या वाढदिवसानिमित्त जालन्यात त्यांच्या प्रतिमेला जेसीबी द्वारे दुग्धाभिषेक घालण्यात आला,आमदार धनंजय मुंडे यांच्या समर्थकांकडून फुले उधळत या ठिकाणी जेसीबीतून प्रतिमेवर दुग्धाभिषेक करण्यात आला.

जालन्यातील कार्यकर्ते एकत्र येत जेसीबीच्या सहाय्याने चक्क डिजिटल बॅनरवर दूध टाकून वाढदिवसानिमित्त घोषणाबाजी करण्यात आली. त्यावेळी, धनंजय मुंडेंना पुन्हा मंत्रिमंडळात घ्या, अशी मागणी देखील त्यांच्या कार्यकर्त्यांनी केली आहे.

दरम्यान, बीडमधील मस्साजोगचे सरपंच संतोष देशमुख यांच्या हत्येनंतर गुन्ह्यातील आरोपी हे धनंजय मुंडेंचे निकटवर्तीय असल्याने मुख्यमंत्र्‍यांनी त्यांचा राजीनामा घेतला होता. तेव्हापासून ते सार्वजनिक कार्यक्रमातून काहीसे अलिप्त दिसले.

सरपंच देशमुख हत्याप्रकरणातील आरोपी वाल्मिक कराड हा धनंजय मुंडेंचा निकटवर्तीय असून स्वत: धनंजय मुंडेंनी हे मान्य केले होते. त्यामुळे, त्यांच्याबद्दल रोष व्यक्त करत विरोधकांनी त्यांच्या राजीनाम्याची मागणी केली होती.