Sharad Pawar Resigns: आज, उद्या, परवा... साहेब, साहेब आणि फक्त साहेबच; पोस्टर्स झळकावून कार्यकर्त्यांकडून शरद पवारांची मनधरणी

Sharad Pawar Resigns: आजही राष्ट्रवादी काँग्रेस कार्यालयाबाहेर कार्यकर्ते जमायला सुरुवात झाली आहे. तसेच, शरद पवारांनी अध्यक्षपदी कायम राहावं यासाठी बॅनरबाजी सुरू आहे.

Sharad Pawar Resigns | Maharashtra Politics

'लोक माझे सांगाती' याच्या सुधारीत आवृत्तीच्या प्रकाशन सोहळ्यात राष्ट्रवादीचे सर्वेसर्वा शरद पवार यांनी पक्षाच्या अध्यक्ष पदाचा राजीनामा देत असल्याची घोषणा केली.

शरद पवारांच्या घोषणेनंतर सभागृहात एकच गदारोळ झाला. साहेब निर्णय मागे घ्या, कार्यकर्त्यांनी मागणी करत ठिय्या दिला.

तेव्हापासूनच आजपर्यंत कार्यकर्ते अजुनही शरद पवारांची मनधरणी करत आहेत.

कार्यकर्त्यांनी जिल्ह्याजिल्ह्यात पोस्टरबाजी करत शरद पवारांना निर्णय मागे घेण्याचं आवाहन केलं आहे.

आजही राष्ट्रवादी काँग्रेस कार्यालयाबाहेर कार्यकर्ते जमायला सुरुवात झाली आहे.

शरद पवार यांनी आपला अध्यक्षपदावरून निवृत्त होण्याचा निर्णय मागे घ्यावा, यासाठी कार्यालयाबाहेर कार्यकर्त्यांकडून पोस्टर्स लावण्यात आले आहेत.

शरद पवार आज सकाळी साडेदहा वाजता वाय. बी. चव्हाण सेंटर येथे कार्यकर्त्यांच्या भेटी घेणार आहेत.

सकाळी अकरा वाजता प्रदेश कार्यालयात कमिटी प्रस्ताव पारित करेल आणि त्यानंतर तो शरद पवार यांना कळविण्यात येईल, अशी माहिती मिळत आहे.

2024 लोकसभा निवडणुका होईपर्यंत शरद पवार राष्ट्रवादीच्या अध्यक्ष पदावर कायम राहतील, अशी माहिती सुत्रांच्या हवाल्यानं मिळत आहे.

राष्ट्रवादीच्या मुंबईतील कार्यालयाबाहरे सध्या कार्यकर्त्यांची बॅनरबाजी पाहायला मिळत आहे.