Monorail Mumbai Rains: मुंबईतील मोनोरेल आज पुन्हा बंद पडली; प्रवाशांना काढलं बाहेर, महिन्याभरात तिसऱ्यांदा बिघाड

Monorail Mumbai Rains: मुंबईतील मुसळधार पावसाचा फटका रेल्वे वाहतूकीसह आता मोनोरेलला देखील बसला आहे. तांत्रिक कारणामुळे मुंबईतील मोनोरेल बंद आज पुन्हा बंद पडली.

Monorail Mumbai Rains

Mumbai Rains: मुंबईसह उपनगरात मध्यरात्रीपासूनच मुसळधार पाऊस सुरू आहे. पहाटेपासूनच अनेक भागांत मुसळधार पाऊस सुरू आहे.

गेल्या काही दिवसांपासून कधी रिमझिम, तर कधी जोरदार पावसाचं प्रमाण होतं, मात्र आज पावसाचा जोर काहीसा अधिक दिसून येतोय.

दरम्यान या मुसळधार पावसाचा फटका रेल्वे वाहतूकीसह आता मोनोरेलला देखील बसला आहे.

तांत्रिक कारणामुळे मुंबईतील मोनोरेल बंद आज पुन्हा बंद पडली.

वडाळादरम्यान मोनोरेल आज पुन्हा बंद पडली.

बंद पडलेल्या मोनोरेलमधून प्रवाशांना बाहेर काढण्यात आलं.

अचानक मोनोरेल बंद पडल्यानंतर प्रवाशांना दुसऱ्या मोनोरेलमध्ये शिफ्ट करण्यात आलं.

आता कपलिंग करून मोनोरेलला कारशेड नेण्यात येत आहे. त्या ठिकाणी तांत्रिक बिघाड दुरुस्त केला जाईल.

मुंबईच्या मोनोरेलमध्ये महिन्याभरात तिसऱ्यांदा बिघाड झाल्याचं समोर आलं आहे.