PHOTO : वरुण सरदेसाई यांनी बास्केटबॉलचा मनमुराद आनंद लुटला!

Varun Sardesai Basketball

युवासेनेचे नेते वरुण सरदेसाई शिवसेनेच्या निश्चय दौऱ्याच्या निमित्ताने आज जळगाव जिल्ह्यात आहेत. यावेळी जैन हिल्स परिसरात असलेल्या अनुभूती शाळेत बास्केटबॉल खेळताना दिसले.

युवासेनेचे नेते वरुण सरदेसाई हे लहानपणापासून बास्केटबॉल खेळतात आणि ते खेळाडू देखील आहेत.

राजकीय प्रवासात त्यांना बॉस्केटबॉल खेळण्याचा आपला छंद नियमित जोपासता येत नसला तरी आवड आणि त्यांच्यातील खेळाडू आजही कायम असल्याचा प्रत्यय आज पाहायला मिळाला.

जळगाव येथील जैन हिल्स परिसरात अनुभूती शाळेच्या मैदानावर आज सकाळी सात वाजताच वरण सरदेसाई त्याठिकाणी उपस्थित असलेल्या खेळाडू सोबत तासभर बास्केटबॉल खेळले.

सध्या वेळेअभावी आपल्याला बास्केटबॉल खेळणे शक्य होत नसलं तरी वेळ मिळाला तर मी खेळण्याचा आनंद घेतल्याशिवाय राहत नाही असं वरुण सरदेसाई म्हणाले.

जळगावच्या युवा खेळाडूंसोबत खेळताना आपल्याला खूप आनंद झाला असल्याचंही वरुण सरदेसाई यांनी सांगितलं.