Rain Update: विदर्भासह कोकण-पश्चिम महाराष्ट्रात मुसळधार पावसाचा इशारा; पाहा तुमच्या भागातील पावसाची आजची स्थिती

Weather Update : कोकण, गोवा, संपूर्ण विदर्भ आणि मध्य महाराष्ट्रात 2 ऑगस्टपर्यंत मुसळधार पावसाचा इशारा हवामान खात्याने दिला आहे.

Maharashtra Rain Update

मुंबई शहरात 4 दिवसांच्या मुसळधार पावसानंतर आज पावसाने थोडी विश्रांती घेतली आहे. मात्र आता पुढचे 3 दिवस विदर्भात मुसळधार पावसाचा इशारा देण्यात आला आहे.

कोकणातील रायगड आणि रत्नागिरी, तर पश्चिम महाराष्ट्रातील पुणे आणि सातारा जिल्ह्यांना देखील पावसाचा यलो अलर्ट देण्यात आला आहे. या भागात देखील आज मुसळधार पावसाची शक्यता आहे.

नागरिकांनी धबधबे किंवा नदीकाठी जाताना काळजी घ्यावी असं आवाहन करण्यात येत आहे.

उर्वरित महाराष्ट्रात मध्यम ते हलक्या स्वरुपाचा पाऊस राहणार आहे.