Rain : राज्याच्या विविध भागात पावसाची हजेरी

हवामान विभागानं दिलेल्या अंदाजानुसार राज्याच्या विविध भागात पाऊस पडत आहे.

Maharashtra Rain News

राज्याच्या विविध भागात पावसानं हजेरी लावली आहे. त्यामुळं शेतकऱ्यांमध्ये आनंदाचे वातावरण आहे.

गेल्या अनेक दिवसापासून शेतकरी पावसाची वाट भगत होते. अखेर विश्रांतीनंतर पुन्हा पावसाला सुरुवात झाली आहे.

मुंबईसह ठाण्यात देखील पावसानं हजेरी लावली आहे

आज (8 सप्टेंबर) आणि उद्या (9 सप्टेंबर) संपूर्ण महाराष्ट्रात मुसळधार पावसाची शक्यता असल्याची माहिती ज्येष्ठ हवामान तज्ज्ञ माणिकराव खुळे यांनी दिली.

वर्धा जिल्ह्यात देखील जोरदार पावसानं हजेरी लावली. त्यामुळं नदी नाल्यांना पूर येऊ लागला आहे.

बुलढाणा जिल्ह्यात दोन दिवसांपासून मध्यम स्वरूपाचा पाऊस सुरू आहे...त्यामुळे शेतकऱ्यांना दिलासा मिळाला आहे.

पालघर जिल्ह्यातील काही भागात मुसळधार तर काही भागात मध्यम स्वरूपाचा पाऊस सुरू आहे.

परभणी शहरासह जिल्हाभरात आज पहाटेपासून पावसाची रिपरिप सुरु आहे. कधी जोरदार तर कधी हलक्या पावसाच्या सरी सर्वत्र कोसळत आहे.

राज्याच्या विविध भागात पावसाची रिपरिप सुरु, सोयाबीनसह,कापूस उत्पादकांना दिलासा