कोल्हापुरात करवीर निवासिनी अंबाबाई मंदिरामध्ये नवरात्रौत्सवाची तयारी अंतिम टप्पात

Ambabai Temple in Kolhapur: देवीचा पालखी सोहळा, नगर प्रदक्षिणा ललित पंचमीला होणारी टेंबलाई देवीची भेट आणि मंदिरातील धार्मिक सांस्कृतिक कार्यक्रमांसाठी भाविकांची मोठी गर्दी असते.

Ambabai Mandir

कोल्हापूरच्या करवीर निवासिनी अंबाबाई मंदिरामध्ये नवरात्रौत्सवाची तयारी अंतिम टप्प्यात आली आहे.

भाविकांना देवीचे दर्शन अतिशय कमी वेळेत आणि चांगल्या पद्धतीने घेता यावं यासाठी पश्चिम महाराष्ट्र देवस्थान समितीने दर्शन रांग तयार केली आहे.

ऊन किंवा पावसाचा कोणताही परिणाम होऊ नये अशा पद्धतीने मंडप उभारला आहे.

दरम्यान नवरात्रौत्सव काळात अंबाबाई मंदिरात रोज सरासरी तीन ते चार लाख भाविक येतात.

देवीचा पालखी सोहळा, नगर प्रदक्षिणा ललित पंचमीला होणारी टेंबलाई देवीची भेट आणि मंदिरातील धार्मिक सांस्कृतिक कार्यक्रमांसाठी भाविकांची मोठी गर्दी असते.

आता यावर नजर ठेवण्यासाठी यंदा पोलिसांकडून एआय तंत्रज्ञानाची मदत घेतली जात आहे.

यासाठी दोन खासगी कंपन्यांची नियुक्ती करण्यात आली आहे.

या कंपन्यांची यंत्रणा मंदिरातील गर्दीवर नजर ठेवून दुर्घटना टाळण्यासाठी पोलिसांना सूचना देईल.

आपत्कालीन धोके दुर्घटना घडून येत यासाठी पूर्वसूचना मिळेल, त्यानुसार पोलिसांना काम करता येणार आहे.

शहरातील वाहनांची गर्दी कोंडी झालेले रस्ते पर्यायी मार्ग यांची माहिती या तंत्रज्ञानाद्वारे वाहतूक पोलिसांना मिळणार आहे.