धक्कादायक! शाळेची भिंत कोसळली, विद्यार्थ्यांची दफ्तर-पुस्तकं अडकली; सुदैवाने मुले बचावली

झेडपीच्या शाळेत सुविधांचा अभाव आहे, कुठे कुठे तर शाळेला पत्रेच नाहीत, कुठे भिंती खचल्या आहेत, तर कुठे शिक्षकच येत नाहीत.

Kolhapur School wall collapse

झेडपीच्या शाळेत सुविधांचा अभाव आहे, कुठे कुठे तर शाळेला पत्रेच नाहीत, कुठे भिंती खचल्या आहेत, तर कुठे शिक्षकच येत नाहीत.

विविध समस्यांच्या विळख्यात जिल्हा परिषद शाळा आहेत, अर्थातच काही शाळा अपवाद असतीलही पण सरकारी शाळांची दूरवस्था असल्यानेच खासगी शाळांमध्ये गर्दी होत आहे.

कोल्हापूर जिल्ह्यातील सातवे गावात मोठा अनर्थ टळला असून सुदैवाने शाळेतील मुले बचावली आहेत. मात्र, या अपघाताच्या घटनेनं जिल्हा परिषदांच्या शाळांबाबतचा प्रश्न पुन्हा एकदा ऐरणीवर आला आहे.

कोल्हापूर जिल्ह्यातील सातवे गावातील जिल्हा परिषदेच्या शाळेची भिंत अचानक कोसळल्याची धक्कादायक घटना आज घडली.

येथील जिल्हा परिषद शाळेत तिसरीच्या वर्गात शिक्षण घेत असलेली मुलं जेवणासाठी बाहेर पडताच शाळेच्या एका वर्गाची भिंत कोसळल्याची घटना घडली. सुदैवाने वर्गात मुले नसल्याने मोठा अनर्थ टळला

जेवणासाठी विद्यार्थी वर्गाबाहेर गेल्यानंतर ही भींत कोसळल्याने सुदैवाने सर्व विद्यार्थी सुखरुप आहेत. पण, विद्यार्थ्यांचे शालेय साहित्य ढिगाऱ्याखाली सापडल्याने आर्थिक नुकसान झालं आहे.

येथील भिंत कोसळल्यानंतरचे व्हिडिओ आणि फोटो समोर आले आहेत. त्यामध्ये, जुन्या दगडी बांधकामाची ही भींत होती, त्यामुळे, भींत कोसळल्यानतंर दगडांचा ढीग दिसून येत आहे.

दरम्यान, या घटनेनं जिल्हा प्रशासनाने आपले डोळे उघडण्याची गरज आहे. कारण, आज नशिब बलवत्तर म्हणून मुले बचावली. त्यामुळे, शाळांची डागडुजी आणि सुस्थितीची तपासणी करणे गरजेचे आहे.