Kolhapur Municipal Corporation: एबीपीची बातमी इम्पॅक्टची हमी! फुटपाथ स्वच्छतेनंतर तसाच तुंबवून ठेवलेला कचरा महापालिकेनं अखेर उचलला

Kolhapur Municipal Corporation: कोल्हापूर शहरातील कचरा उठाव गंभीर समस्या झाली आहे. दुसरीकडे, दिसेल त्या मोकळ्या जागेत शहरवासियांकडून कचरा फेकला जात असल्याने सुद्धा परिस्थिती आणखी गंभीर झाली आहे.

Kolhapur Municipal Corporation

कोल्हापूर शहरात फुटपाथ अवस्था अत्यंत विदारक झाली असून झाडाझुडपांनी व्यापून गेले आहेत.

त्यामुळे मनपाकडून शहरातील मुख्य मार्गांवर फुटपाथ स्वच्छतेची मोहीम सुरु आहे.

मात्र, फुटपाथ स्वच्छता करताना कचरा मात्र काही ठिकाणी आहे त्याच ठिकाणी तुंबवून ठेवला होता.

याबाबत एबीपी माझाने गुरुवारी (7 ऑगस्ट) 'तुंबलेला कारभार' म्हणत विदारक अवस्था दाखवून दिली होती.

एबीपी माझाच्या बातमीनंतर आता कोल्हापूर मनपाला तुंबलेल्या कचऱ्याची आठवण झाली.

आज (9 ऑगस्ट) मनपा कर्मचाऱ्यांनी घंटागाडी लावून पोलिस अधीक्षक कार्यालय ते जिल्हा सत्र न्यायालय मार्गावरील तुंबवून ठेवलेल्या कचऱ्याचा उठाव केला. त्यामुळे फुटपाथवरील कचरा उठवण्यात आल्याने मोकळा श्वास घेतला आहे.

पावसाचे प्रमाण कमी असल्याने हा कचरा आहे त्याच ठिकाणी कुजत होता. मात्र, पाऊस जास्त झाला असता, तर तो सगळा कचरा रस्त्यावर वाहून येत दुर्गंधीला निमंत्रण देणारा ठरला असता.

कोल्हापूर शहरातील कचरा उठाव गंभीर समस्या झाली आहे. दुसरीकडे, दिसेल त्या मोकळ्या जागेत शहरवासियांकडून कचरा फेकला जात असल्याने सुद्धा परिस्थिती आणखी गंभीर झाली आहे.

त्यामुळे शहरावासियांनी सुद्धा नेमून दिलेल्या जागेत कचरा टाकल्यास मनपा प्रशासनालाही मदत होऊ शकते.

कोल्हापूर शहरात यापूर्वी कचरा उठावासाठी कंटेनर दिसून येत होते. मात्र, गेल्या काही वर्षांपासून हे कंटेनर गायब झाल्याने कचरा अस्ताव्यस्त पद्धतीने पडत आहे.