Radhanagari Dam : राधानगरी धरणाचे चार स्वयंचलित दरवाजे उघडले, भोगावती नदीत 7212 क्युसेकने विसर्ग

Radhanagari Dam

Radhanagari Dam

कोल्हापूरची जीवनवाहिनी असलेलं राधानगरी धरण 100 टक्के भरलं आहे.

आज सकाळी दहाच्या सुमारास सहाव्या क्रमांकाचा स्वयंचलित दरवाजा उघडला.

त्यानंतर काही वेळातच 3, 4 आणि 5 नंबरचा स्वयंचलित दरवाजा उघडला.

राधानगरी धरणातून भोगावती नदीपात्रात 7 हजार 212 ने विसर्ग सुरु आहे.

धरणाचे दरवाजे उघडल्याने नदीच्या पाणीपात्रात वाढ होणार आहे.

कोल्हापूर पंचगंगा नदीची पाणी पातळी 43 फुट 1 इंचावर पोहोचली आहे.

कोल्हापुरात पावसाची उघडझाप सुरु असली, तरी धरण क्षेत्रात जोरदार पाऊस सुरु आहे.

त्यामुळे नद्यांना पूरसदृश्य परिस्थिती निर्माण झाली आहे.

जिल्ह्यातील 81 बंधारे पाण्याखाली गेले आहेत.

बंधारे बंद असल्याने अनेक गावांशी थेट संपर्क तुटला असून काही गावांना बेटाचे स्वरुप प्राप्त झालं आहे.