Kolhapur News: भाजप आमदार गोपीचंद पडळकरांची कोल्हापुरात प्रतीकात्मक अंत्ययात्रा; पट्टा घातलेल्या पाळीव श्वानाच्या गळ्यात पडळकरांचा फोटो

Gopichand Padalkar: राष्ट्रवादीकडून गोपीचंद पडळकरांच्या प्रतिमेला जोडे मारो आंदोलन करण्यात आलं गळ्यात आमदार पडळकर यांचा फोटो घातलेला श्वानही या आंदोलनात सहभागी झाला होता.

Gopichand Padalkar symbolic funeral procession in Kolhapur

राष्ट्रवादी काँग्रेस पक्षाचे नेते आमदार जयंत पाटील यांच्याबाबत आक्षेपार्ह विधान करणाऱ्या भाजप आमदार गोपीचंद पडळकर यांच्या विरोधात आज प्रतीकात्मक अंत्ययात्रा काढण्यात आली.

राष्ट्रवादीकडून गोपीचंद पडळकरांच्या प्रतिमेला जोडे मारो आंदोलन करण्यात आलं

गळ्यात आमदार पडळकर यांचा फोटो घातलेला श्वानही या आंदोलनात सहभागी झाला होता

पडळकरांच्या विरोधात विद्यार्थी काँग्रेसच्या पदाधिकाऱ्यांनी प्रचंड घोषणाबाजी करत दसरा चौक परिसर दणाणून सोडला.

विधिमंडळातून आमदार पडळकर यांची हकालपट्टी करावी अशी मागणी यावेळी राष्ट्रवादी शरद पवार पक्षाच्या पदाधिकाऱ्यांनी केली.

दुसरीकडे, जयंत पाटील यांच्यावर केलेल्या विकृत पातळीवरील टीकेनंतर ईश्वरपूर (इस्लामपूर) आणि आष्टा शहरात कडकडीत बंद पाळण्यात आला.

काल सांगली जिल्ह्यासह संपूर्ण राज्यात गोपीचंद पडळकर यांच्या विरोधात तीव्र निदर्शने करण्यात आली.

वाचाळवीर आमदारांना मुख्यमंत्री देवेंद्र फडणवीस पाठीशी घालत असल्याचा आरोप देखील शरद पवारांच्या राष्ट्रवादी कडून करण्यात येत आहे.

टीकेच्या निषेधार्थ ईश्वरपूरमध्ये जयंत पाटलांच्या कार्यकर्त्यांनी रास्ता रोको आंदोलन केलं.

. परंतु, पोलिसांनी आंदोलकांना ताब्यात घेतल्यानंतर या ठिकाणी कार्यकर्ते आणि पोलिसांमध्ये जोरदार झटापट झाली.