काश्मीर खोऱ्यात हिमवृष्टी.. जम्मू आणि काश्मीरला जोडणारे महामार्ग ठप्प, जनजीवन प्रभावित

Jammu and Kashmir मध्ये या मोसमातील पहिलाच मोठा हिमवर्षाव होत आहे. हिमवर्षावाने सर्वसामान्य जनजीवन स्तब्ध झालंय. राहुल गांधी यांची भारत जोडो यात्रेच्या समारोपाच्या दिवशीच हा हिमवर्षाव अनुभवायला मिळाला

Jammu and Kashmir | Snowfall

Jammu and Kashmir: जम्मू काश्मीरमध्ये या मोसमातील पहिल्याच हिमवर्षावाने सर्वसामान्य जनजीवन प्रभावित झालंय. राज्यातील महत्वाचे महामार्ग रस्त्यावर साचलेल्या बर्फाने बंद पडलेत. यामुळे रस्त्यांवर वाहनांच्या रांगा लागल्या आहेत. प्रशासनाने रस्त्यावर साचलेलं बर्फ हटवण्याची मोहीम युद्धपातळीवर सुरु केलीय.

रस्तोरस्ती उभ्या असलेल्या गाड्यांवरही बर्फाचे थर जमा झाले आहेत. हिमवर्षाव ही पर्यटकांसाठी एक आनंदाची पर्वणी असली तरी काश्मीर खोऱ्यातील सर्वसामान्य जनजीवन मात्र अस्ताव्यस्त्य होतं. हिमवर्षावामुळे रस्त्यावरील वीजेच्या ताराही बर्फाच्छादित होतात. जणू निसर्गाने विणलेली बर्फाची जाळीच...