Chandrayaan-3 : इस्रोच्या चंद्र मोहिमेबाबत मोठी अपडेट! रॉकेटमध्ये बसवलं चांद्रयान-3, पुढील आठवड्यात होणार प्रक्षेपण

Chandrayaan 3 ISRO Moon Mission : चांद्रयान-3 ला अंतराळात नेणाऱ्या रॉकेटशी जोडण्यात आलं आहे. श्रीहरिकोटा येथील सतीश धवन अंतराळ केंद्रात प्रक्षेपणाची तयारी सुरू आहे.

Chandrayaan3 Update | ISRO Moon Mission

भारतीय अंतराळ संशोधन संस्था म्हणजेच इस्रोच्या महत्त्वाकांक्षी चंद्र मोहिमेबाबत मोठी अपडेट समोर आली आहे.

चांद्रयान-3 लाँच व्हेइकल म्हणजेच रॉकेटसोबत जोडलं गेलं आहे. चांद्रयान 3 प्रक्षेपणाची तयारी अंतिम टप्प्यात आहे. (PC : ISRO)

इस्रोने दिलेल्या माहितीनुसार, चांद्रयान 3 ला महत्त्वाचा भाग रॉकेट लाँचरसोबत जोडण्यात आला आहे.

इस्रोने ट्वीट करत दिलेल्या माहितीनुसार, 'चांद्रयान-3 ची एन्कॅप्स्युलेटेड असेंबली बुधवारी, 5 जुलै लाँच व्हेईकल (LVM3) शी जोडण्यात आलं आहे. लॉन्च व्हेईकल मार्क-III (LVM3) हे रॉकेट भारतीय अंतराळ संशोधन संस्था (ISRO) ने विकसित केलं आहे. (PC : ISRO)

इस्रो (ISRO) ने ट्विट करून माहिती दिली आहे की, चांद्रयान-3 श्रीहरीकोटा येथील सतीश धवन स्पेस सेंटरमध्ये LVM3 रॉकेटशी जोडलं गेलं आहे. याचे काही फोटो आणि व्हिडीओ समोर आले आहेत. (PC : ISRO)

चांद्रयान-3 चे प्रक्षेपण जुलै महिन्याच्या मध्यात होईल, असं भारतीय अंतराळ संशोधन संस्था म्हणजेच इस्रोचे (ISRO) अध्यक्ष एस सोमनाथ यांनी सांगितलं होतं. त्यानुसार, 13 ते 19 जुलै दरम्यान चांद्रयान 3 प्रक्षेपित करण्यात येण्याची शक्यता आहे. (PC : ISRO)

चांद्रयान ही भारताची महत्वाची चंद्र मोहिम आहे. याचं वैशिष्ट्य म्हणजे पहिल्यांदाच चांद्रयान चंद्राच्या पृष्ठभागावर उतरणार आहे. चांद्रयान 3 इस्रोच्या चंद्र मोहिमेतील तिसरं चांद्रयान आहे. (PC : ISRO)

याआधीच्या चांद्रयान 1 आणि चांद्रयान 2 प्रक्षेपित करण्यात आलं होतं. यांच्याद्वारे चंद्राच्या सभोवतालच्या वातावरणाचा अभ्यास करण्यात आला. पण आता चांद्रयान 3 चंद्रावरून उतरून तेथील वातावरण आणि परिस्थितीचा अभ्यास करेल. (PC : ISRO)

चांद्रयान-3 LVM3 रॉकेटमध्ये बसवण्यात आलं आहे. चांद्रयान-3 प्रक्षेपणाची तयारी अंतिम टप्प्यात आहे. इस्रोकडून चांद्रयान 3 लाँच व्हेइकलसोबत म्हणजेच LVM3 रॉकेटसोबत जोडल्यानंतर पुढील चाचणी आणि तपासणी सुरु आहे. (PC : ISRO)

चांद्रयान-3 लाँच व्हेईकल मार्क-3 द्वारे आंध्र प्रदेशातील श्रीहरिकोटा येथील सतीश धवन स्पेस सेंटरमधून प्रक्षेपित करण्यात येईल. प्रॉपेलंट मॉड्यूल 'लँडर' आणि 'रोव्हर'ला चंद्राभोवती 100 किमीच्या कक्षेत नेईल आणि चांद्रयान 3 अलगदपणे चंद्राच्या पृष्ठभागावर उतरेल. (PC : ISRO)

चांद्रयान-3 हा चांद्रयान 1 आणि चांद्रयान 2 चा पुढील टप्पा आहे. चांद्रयान-3 अगदी चांद्रयान-2 सारखंच असणार आहे. परंतु, यावेळी फक्त लँडर-रोवर आणि प्रोपल्शन मॉडेल असेल. यामध्ये ऑर्बिटर पाठवण्यात येणार नाही. कारण चांद्रयान-2 च्या ऑर्बिटरकडून यासाठी मदत घेण्यात येणार आहे. (PC : ISRO)