Healthy Pregnancy Tips : गरोदरपणातील 'असा' आहार, प्रत्येक महिलेनं जाणून घ्याव्यात..

Healthy Pregnancy Tips : गर्भधारणेदरम्यान आई आणि बाळाच्या आरोग्यासाठी संतुलित आहार, आवश्यक पोषकद्रव्ये आणि ताणमुक्त जीवनशैली खूप महत्त्वाची असते.

Healthy Pregnancy Tips

गर्भधारणेदरम्यान महिलांच्या शरीरात अनेक बदल होत असल्यामुळे तिला दररोज पौष्टिक आणि संतुलित आहार घेणे खूप महत्त्वाचे असते.

आई आणि बाळ दोघांच्या आरोग्यासाठी प्रोटीन, कर्बोदके, चरबी, जीवनसत्त्वे आणि खनिजे यांचा योग्य प्रमाणात समावेश असलेला आहार आवश्यक असतो.

लोह, कॅल्शियम, फॉलिक ऍसिड आणि ओमेगा 3 फॅटी ऍसिड हे गर्भाच्या वाढीसाठी, हाडांच्या विकासासाठी आणि मेंदूच्या योग्य कार्यासाठी विशेषत आवश्यक असतात.

मॉर्निंग सिकनेस कमी करण्यासाठी आणि दिवसभर ऊर्जा टिकवण्यासाठी पुरेसे पाणी पिणे आणि वेळेवर अन्न सेवन करणे फायदेशीर ठरते.

गर्भवती महिलेला सामान्यापेक्षा 300 ते 350 अतिरिक्त कॅलरीजची गरज असते, त्यामुळे तिच्या आहारात फळे, भाज्या आणि ड्रायफ्रूट नक्की असावेत.

डॉक्टरांच्या सल्ल्यानुसार लोह आणि फॉलिक ऍसिडची गोळी घेणे अशक्तपणा टाळण्यासाठी आणि बाळाच्या योग्य विकासासाठी मदत करते.

संपूर्ण धान्य, पुरेसे फायबर आणि व्हिटॅमिन डीयुक्त अन्नामुळे पचन सुधारते आणि आईचे संपूर्ण आरोग्यही चांगले राहते.

गर्भधारणेदरम्यान ताण कमी ठेवणे, वेळेवर औषधे घेणे आणि डॉक्टर सांगतील तेवढाच व्यायाम करणे सुरक्षित गर्भधारणेसाठी अतिशय महत्त्वाचे ठरते.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).