ऑगस्ट २०२५ मधील महत्वाचे दिवस; पाहा यादी!

रक्षाबंधन,गोपाळकाला ,स्वातंत्र्यदिन आणि गणेश चतुर्थी यांसारखे राष्ट्रीय आणि पारंपरिक सण ;ही आहे महत्वांच्या दिवसांची यादी..

पारंपरिक सण

८ ऑगस्ट २०२५: नारळीपौर्णिमा श्रावण महिन्यातील पौर्णिमेला नारळी पौर्णिमा साजरी केली जाते, आणि या दिवशी समुद्राला नारळ अर्पण करण्याची प्रथा आहे. महाराष्ट्राच्या किनारपट्टीवरील भागांमध्ये, विशेषतः कोळी समाजात हा सण मोठ्या उत्साहात साजरा केला जातो. या दिवशी समुद्राची पूजा केली जाते आणि वरुण देवतेला (समुद्राचा देव) नारळ अर्पण केला जातो.

९ ऑगस्ट २०२५: रक्षाबंधन रक्षाबंधन म्हणजे भाऊ-बहिणीच्या अतूट प्रेम आणि निष्ठेचे प्रतीक असलेला एक सण. या दिवशी, बहिण आपल्या भावाच्या हाताला राखी बांधते आणि त्याचे रक्षण व्हावे यासाठी प्रार्थना करते. भाऊ देखील तिला आयुष्यभर तिचे रक्षण करण्याचे वचन देतो.

१२ ऑगस्ट २०२५: अंगारक संकष्ट चतुर्थी चंद्रोदय अंगारक संकष्टी चतुर्थी या दिवशी,कृष्ण पक्षातील (अमावस्या आणि पौर्णिमेच्या दरम्यानचा काळ) चतुर्थी जी मंगळवारी येते .भक्त भगवान गणेशाची उपासना करतात आणि त्यांच्या आर्शिवादाने सर्व संकटे दूर व्हावी यासाठी प्रार्थना करतात. चंद्रोदय म्हणजे, चंद्र आकाशात उगवण्याची वेळ. संकष्टी चतुर्थीच्या व्रतामध्ये चंद्रोदयाला विशेष महत्त्व आहे, कारण चंद्रोदयानंतरच उपवास सोडला जातो.

१६ ऑगस्ट २०२५: गोपाळकाला हा एक पारंपरिक मराठी खाद्यपदार्थ आहे, जो श्रीकृष्ण जन्माष्टमीच्या दुसऱ्या दिवशी (दहीहंडी) साजरा केला जातो. 'गोपाळ' म्हणजे गाईंचे पालन करणारा आणि 'काला' म्हणजे एकत्र मिसळणे, असा याचा अर्थ आहे. कृष्णाला हा पदार्थ खूप आवडत असे, त्यामुळे त्याच्या उत्सवात हा नैवेद्य दाखवला जातो.दहीहंडी उत्सवात, गोपाळकाला हा एक महत्वाचा भाग असतो. उंच ठिकाणी दहीहंडी बांधली जाते आणि गोविंदा पथक ती फोडण्याचा प्रयत्न करतात. दहीहंडी फोडल्यानंतर, गोविंदांना प्रसाद म्हणून गोपाळकाला दिला जातो.

२८ ऑगस्ट २०२५: ऋषिपंचमी ऋषीपंचमीला स्त्रिया उपवास करतात आणि सप्तऋषींची पूजा करतात. या दिवशी, स्त्रिया नकळत झालेल्या पापांपासून मुक्ती मिळवण्यासाठी आणि कुटुंबाच्या कल्याणासाठी उपवास करतात.

२६ ऑगस्ट २०२५: हरितालिका तृतीय रितालिका तृतीय म्हणजे भाद्रपद महिन्यातील शुक्ल पक्षातील तृतीया तिथी. या दिवशी हरितालिका व्रत केले जाते, जे प्रामुख्याने स्त्रिया करतात. या व्रतामध्ये, महिला त्यांच्या पतींच्या दीर्घायुष्यासाठी आणि सुखी वैवाहिक जीवनासाठी उपवास करतात. अविवाहित मुलींना चांगला नवरा मिळावा यासाठीही हे व्रत करतात.

२७ ऑगस्ट २०२५: श्रीगणेश चतुर्थी श्रीगणेश चतुर्थी म्हणजे भगवान श्री गणेशाच्या जन्मदिवसाचा उत्सव. हा उत्सव भाद्रपद महिन्यातील शुक्ल पक्षाच्या चतुर्थीला (चौथ्या दिवशी) साजरा केला जातो. या दिवसाला विनायक चतुर्थी किंवा गणेश जयंती असेही म्हणतात.गणेश चतुर्थीला घरोघरी आणि सार्वजनिक ठिकाणी गणपती बाप्पांची प्रतिष्ठापना केली जाते. बाप्पांची मनोभावे पूजा-अर्चा केली जाते. गौरी-गणपतीचे आगमन, गणेश पूजन, नैवेद्य, आरती, विसर्जन यांसारख्या धार्मिक आणि सामाजिक कार्यक्रमांचे आयोजन केले जाते.