Fashion Tips : लिपस्टिक लावताना 'या' गोष्टी लक्षात ठेवा, तुम्हाला मिळेल क्लासी लुक

लिपस्टिक ही प्रत्येक स्त्रीसाठी अत्यावश्यक फॅशन अॅक्सेसरी आहे. यामुळे प्रत्येक महिलेचे सौदर्य खुलून दिसते.

Fashion Tips

लिपस्टिक हा प्रत्येक मुलीच्या मेकअपचा खूप महत्त्वाचा भाग असतो. ऑफिस असो किंवा पार्टी, कुठेही जाण्यापूर्वी मुली लिपस्टिक लावायला विसरत नाहीत. लिपस्टिकमुळे लुक उठून दिसतो.

लिपस्टिकचे अनेक प्रकार आहेत, त्या लावण्याची पद्धतही वेगळ्या आहेत. सर्व महिला त्यांच्या रंग आणि लुकनुसार लिपस्टिक निवडतात.

लिपस्टिकची शेड निवडणे सोपे आहे, परंतु अनेक मुलींना लिपस्टिक लावण्याची योग्य पद्धत माहित नसते. त्यामुळे कधी कधी लिपस्टिक खराब दिसते. लिपस्टिक लावण्याची योग्य पद्धत जाणून घेऊयात.

जेव्हाही तुम्ही लिपस्टिक लावायला सुरुवात कराल तेव्हा ती नेहमी ओठांच्या मधल्या भागातून करा. ओठ्यांच्या कडेने लिपस्टिक लावल्यावर पसरते आणि त्यामुळे तुमच्या ओठांचा आकार चांगला दिसत नाही.

लिपस्टिक लावताना आधी लिप बाम लावा. आपण असे केल्यास, मॅट लिपस्टिक लावणे सोपे जाते.

अनेक मॅट लिपस्टिक खूप कोरड्या असतात. त्या लावल्या की ओठ कोरडे दिसतात. त्यामुळे पहिल्यांदा लिपस्टिक लावली की त्यावर टिश्यू ठेवा आणि हलके दाबा. आता परत एकदा लिपस्टिक लावा. यामुळे ओठ कोरडे दिसणार नाहीत.

तुम्हालाही तुमची लिपस्टिक सकाळपासून संध्याकाळपर्यंत टिकून राहायची असेल, तर त्यासाठी बेस लावायला विसरू नका. असे केल्याने तुम्हाला दोन फायदे होतील, एक तर ओठांचा काळेपणा दूर होईल आणि लिपस्टिकचे फिनिशिंगही अप्रतिम दिसेल. बेससाठी, तुमच्या ओठांवर बोटांनी कंसीलर लावून घ्या. यानंतर, शेवटी थोडी कॉम्पॅक्ट पावडर लावा.

लिप लाइनर ओठांना हायलाइट करण्याचे काम करते. जर तुम्ही लिप लायनर व्यवस्थित लावले असेल तर तुमची लिपस्टिक परफेक्ट दिसेल आणि पसरणार नाही.

ओठांचा आकार चांगला दिसण्यासाठी तुम्ही फ्लॅट ब्रशच्या मदतीने ओठांभोवती कंसीलर देखील लावू शकता. तसेच लिपग्लॉस देखील लावू शकता यामुळे तुमचे ओठ चमकू लागतील.

ओठांचा भाग हा नाजूक असतो. त्यामुळे आपल्या त्वचेला सूट होईल अशीच लिपस्टिक शक्यतो खरेदी करा.