cold exposure effects : थंडीत हात-पायाची बोटं सुजतात? वेदना होतात? 'हे' सोपे उपाय देतील आराम

cold exposure effects : हिवाळ्यात थंडीमुळे हात-पायांमध्ये चिलब्लेन्सची समस्या उद्भवते, ज्यासाठी आरामदायी चप्पले, कोमट पाणी, हात-पायांची हलकी मालिश, हळूहळू उब देणे आणि उबदार आहार घेणे आवश्यक आहे.

cold exposure effects

हिवाळ्यात खूप थंडी पडल्यावर पायांची आणि हातांची बोटे लाल होणे, दुखणे आणि सूज येणे ही अनेक लोकांमध्ये दिसणारी सामान्य समस्या आहे.

हवामान खूप थंड झाल्यावर रक्तवाहिन्या आकुंचतात आणि अचानक गरम झाल्यावर त्या पटकन विस्तारतात, त्यामुळे त्वचेत द्रव साचतो आणि सूज व वेदना निर्माण होतात.

सतत अनवाणी चालणे, पाय थेट थंड जमिनीस संपर्कात येणे किंवा दीर्घकाळ थंडीत राहणे यामुळे ही समस्या आणखी वाढते.

थंडीपासून हात-पायांचे संरक्षण करण्यासाठी बंद, मऊ आणि आरामदायी चप्पले घालणे अत्यंत गरजेचे आहे, कारण त्यामुळे बोटे थेट थंडीपासून सुरक्षित राहतात.

अत्यंत थंड पाण्यात भांडी धुणे किंवा कपडे धुणे यामुळे सूज वाढू शकते, त्यामुळे शक्य असल्यास नेहमी कोमट किंवा किंचित उबदार पाणी वापरावे.

दररोज बदाम किंवा ऑलिव्ह ऑइलने हलक्या हाताने हात पायांना मालिश केल्याने रक्ताभिसरण सुधारते, त्वचा मऊ राहते आणि सूज येण्याची शक्यता कमी होते.

बाहेरून थंड झालेले हात आणि पाय लगेच गरम करू नका, कारण अचानक उब दिल्याने सूज आणि वेदना वाढू शकतात त्याऐवजी ब्लँकेट, मोजे किंवा हळूहळू उब देणाऱ्या इतर उपायांचा वापर करून हळूहळू गरम करणे अधिक सुरक्षित आणि आरामदायक असते.

शरीर आतून उबदार राहण्यासाठी काजू, हिरव्या भाज्या, संपूर्ण धान्य, हंगामी फळे आणि भरपूर पाणी पिणे फायदेशीर ठरते, ज्यामुळे सूज आणि वेदना दोन्ही कमी होतात.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).