शारीरिक संबंध ठेव, तरच.... फिल्ममेकर्सकडून भयंकर मागणी, प्रसिद्ध अभिनेत्रीनं सोडली होती इंडस्ट्रीच, पण आता नव्या भूमिकेत झळकणार मोठ्या पडद्यावर

Kani kusruti role and real life controversy: तापसी पन्नूच्या आगामी अस्सी चित्रपटात कनी कुश्रुतिची महत्त्वाची भूमिका.

Kani kusruti role and real life controversy

तापसी पन्नूच्या 'अस्सी' चित्रपटाच्या ट्रेलरने सर्वांनाच थक्क केलं आहे. या चित्रपटात पीडितेच्या वेदना, समाजाविरूद्ध असलेला तिचा लढा आणि न्यायापर्यंतचा प्रवास दाखवण्यात आला आहे.

'अस्सी' या चित्रपटात तापसी एका वकिलाची भूमिका साकारत आहे. तर, बलात्कार पीडितेची भूमिका प्रसिद्ध मल्याळम अभिनेत्री कनी कुश्रुति साकारत आहे.

20 वर्षांच्या कारकि‍र्दीत तिला अनेक पुरस्कारांनी सन्मानित करण्यात आलं आहे. तिनं अनेक चित्रपटांमधून प्रमुख भूमिका साकारत आपल्या अभिनयाने प्रेक्षकांना मंत्रमुग्ध केलं.

'अस्सी'मध्ये साकारलेली कनी कुश्रुतिची भूमिका लक्षवेधी ठरत आहे. हा सिनेमा 20 फेब्रुवारी रोजी रिलीज होईल. अभिनेत्री केवळ मल्याळम इंडस्ट्रीमध्ये नाही तर, हिंदी चित्रपट आणि वेब शोमध्येही काम केलं आहे. 'केरळ कॅफे' या चित्रपटामुळे तिला प्रसिद्धी मिळाली. कनी कुश्रुतिला आपल्या कारकि‍र्दीत केरळ स्टेट फिल्म अवॉर्डने देखील सन्मानित करण्यात आलं आहे.

तर, बिरियानीमधील भूमिकेसाठी तिला मॉस्को आतंरराष्ट्रीय चित्रपट महोत्सवात सर्वोत्कृष्ट अभिनेत्रीचा पुरस्कार मिळाला. केरळमधील एका छोट्या गावात जन्मलेल्या कनी कुश्रुतिचे पालक सामाजिक कार्यकर्ते आहेत. कनी कुश्रुतिने 2003 साली मल्याळम चित्रपट अन्यारमधून अभिनय क्षेत्रात पदार्पण केलं.

चित्रपटांव्यतिरिक्त अभिनेत्री काही मालिकांमध्येही झळकली. 2019च्या एका मुलाखतीत, अभिनेत्रीने मल्याळम चित्रपट इंडस्ट्रीवर गंभीर आरोप करत एक महत्त्वाचा अन् मोठा खुलासा केला.

कनी कुश्रुतिकडे फिल्ममेकर्सकडून लैंगिक मागणी करण्यात आली होती. याच त्रासाला कंटाळून तिनं सिनेसृष्टीला रामराम करण्याचा निर्णय घेतला होता. अभिनेत्रीच्या म्हणण्यानुसार, चित्रपट निर्मात्यांनी तिच्या आईला त्यांच्या मागण्या मान्य करण्यास पटवून देण्याचाही प्रयत्न केला होता.

चित्रपटाचे काम सोडून अभिनेत्री रंगभूमीवर परतली. पण पैशांच्या कमतरतेमुळे तिला या ठिकाणी टिकून राहणे कठीण झाले होते. ती पुन्हा फिल्म इंडस्ट्रीत परतली.