Met Gala: 125 कोटींची ज्वेलरी, 90 कामगार अन् 3 हजार तास; प्रसिद्ध बिझनेस वुमेनच्या 'गार्डन' ड्रेसचा रेड कार्पेटवर जलवा

Sudha Reddy Turns Heads with Tree of Life Look: सुधा रेड्डीचा मेट गाला 2026 लूक सोशल मीडियात तुफान व्हायरल.

Sudha Reddy Met Gala 2026 outfit

Sudha Reddy Met Gala 2026 outfit: फॅशनच्या दुनियेतील सर्वात चर्चेत राहणारा इव्हेंट म्हणजेच मेट गाला 2026 सुरू झाला आहे. या इव्हेंटचं आयोजन 5 मे रोजी न्यूयॉर्कच्या मेट्रोपॉलिटन म्यूझियम ऑफ आर्टमध्ये करण्यात आलं. या वर्षी करण जोहरने मेट गालामध्ये डेब्यू केला. त्यानं मनीष मल्होत्राने डिझाइन केलेला लेहेंगा घातला होता.

मेट गालाच्या कार्यक्रमात हिंदी सिनेसृष्टीतील बरेच कलाकार उपस्थित होते. ईशा अंबानी, नताशा पुनावाला आणि मनीष मल्होत्राने रेड कार्पेटवर आपली चमक दाखवली.

या व्यतिरिक्त सुधा रेड्डीनं देखील मेट गाला 2026मध्ये उपस्थित राहून आपल्या लूकने सर्वांना घायाळ केलं. हैदराबादमधील प्रसिद्ध उद्योजिका सुधा रेड्डीनं मेट गाला 2026मध्ये शानदार पुरागमन केलं. तिनं रेड कार्पेटवर खास ब्लॅक गोल्डन कलरचा गाऊन घातला होता.

सुधा रेड्डीच्या रॉयल लूकवर चाहते घायाळ झाले आहेत. यासह तिनं या ड्रेसवर फ्लोरल केप कॅरी केला होता. शाही अंदाजात तिनं एन्ट्री घेतली.

केपच्या वरच्या भागावर सोनेरी एम्ब्रॉयडरीचं रेखीव काम करण्यात आलं होतं. लांब ट्रेल केपमुळे तिचा लूक आणखी आकर्षक दिसत होता.

सुधा रेड्डीने या पोशाखासोबत सिंपल पण भरीव ज्वेलरी कॅरी केली होती. हे दागिने तिच्या पर्सनल कलेक्शनमधील होते. या दागिन्याची किंमत 15 मिलियन डॉलर (125 कोटी रुपये) इतकी आहे. यासोबत तिनं 23 कॅरेटचे येलो डायमंड रिंग आणि 30 कॅरेटचा रोज - कट पोल्की डायमंड रिंग घातली होती.

तिचा संपूर्ण लूक रॉयल आणि क्लासी होता. यासह तिनं क्रिस्टलने समजवलेला डोल्से अँड गबानाचा क्लच कॅरी केला होता.

सुधा रेड्डीचा हा ड्रेस तयार करण्यासाठी साधारण 3 हजारहून अधिक वेळ लागला. या ड्रेससाठी साधारण 90 कामगारांनी काम केलं. या वर्षीच्या 'कॉस्ट्यू आर्ट' या संकल्पनेनुसार, या आऊटफिटला मनीष मल्होत्राने 'द ट्री ऑफ लाइफ' असे नाव देण्यात आले आहे.