अभिनेते नव्हे तर अभिनेत्रींमुळे ब्लॉकबस्टर झालेत 'हे' दाक्षिणात्य चित्रपट, ओटीटीवर पाहता येतील

South Movies : दाक्षिणात्य चित्रपट हे अनेकदा नायकप्रधान असतात. काही मोजक्या चित्रपटांमध्ये अभिनेत्रींची भूमिका मध्यवर्ती असल्याचे दिसून आले. या चित्रपटांनी बॉक्स ऑफिसवर चांगलाच गल्ला जमवला होता.

साउथ सिनेमांमध्ये सेलेब्स एकापाठोपाठ एक चित्रपट रिलीज करत असतात. कथेपासून ते पात्रांपर्यंत सर्व काही दमदार असते. या चित्रपटांमध्ये ॲक्शनलाही खूप पसंती दिली जाते. बॉलीवूडप्रमाणेच इथेही अभिनेत्रींच्या बळावर अनेक चित्रपट हिट झाले आहेत. या चित्रपटांनी बॉक्स ऑफिसवर चांगलीच कमाई केली होती.

How Old Are You या चित्रपटात मंजू वॉरियर, अमृता अनिल आणि कनिहा यांच्या मुख्य भूमिका आहेत. हा चित्रपट प्राईम व्हिडीओवर पाहता येईल.

अनुष्का शेट्टीची भूमिका असलेला 'अरुंधती' हा चित्रपट बॉक्स ऑफिसवर तुफान गाजला होता. 2009 मध्ये हा चित्रपट रिलीज झाला होता. हा चित्रपट प्राईम व्हिडीओवर पाहता येईल.

'अरम्म' या चित्रपटात नयनतारा ही मुख्य भूमिकेत आहे. नयनताराने या चित्रपटात आयएएस अधिकाऱ्याची भूमिका बजावली होती. हा चित्रपट प्राईम व्हिडीओ या ओटीटी प्लॅटफॉर्मवर पाहता येईल

सामंथा प्रभूची मुख्य भूमिका असलेल्या यशोदा चित्रपटाचे कथानक चांगले आहे. हा चित्रपट अॅमेझॉन प्राईमवर पाहता येईल.

पायलट बनण्याचे स्वप्न असणाऱ्या तरुणीवर अॅसिड हल्ला होता. ती आपले ध्येय गाठते का, तिच्या आयुष्यात काही बदल घडतात का, कोणती कलाटणी मिळते, यावर 'उयारे' या चित्रपटाची कथा बेतली आहे.

न्यूयॉर्क इंडियन फिल्म फेस्टिवलमध्ये बेस्ट स्क्रिप्टचा पुरस्कार मिळवणारा 'गनटुमोटे' पहिला कन्नड चित्रपट ठरला.

'जया जया जया जया हे' या चित्रपटात दर्शना राजेंद्रने मुख्य भूमिका साकारली आहे. दुसऱ्या महिलांना प्रेरणा देणारी व्यक्तीरेखा तिने साकारली आहे.