Republic Day 2022 : प्रजासत्ताक दिनाच्या निमित्ताने देशभक्तीपर सिनेमे कोणते आहेत ते जाणून घ्या!

movie

Republic Day 2022 : भारतात 'प्रजासत्ताक दिन' मोठ्या उत्साहात साजरा केला जातो. 26 जानेवारी 2022 रोजी 73 वा प्रजासत्ताक दिन साजरा होणार आहे. दरवर्षी जानेवारी महिन्याच्या 26 तारखेला भारताचा 'प्रजासत्ताक दिन' साजरा केला जातो. आपला भारत 15 ऑगस्ट 1947 रोजी स्वतंत्र झाला. पण देशाची राज्य घटना 26 जानेवारी 1950 रोजी अमलात आली. म्हणून हा दिवस 'प्रजासत्ताक दिन' म्हणून साजरा केला जातो. त्यानिमित्ताने देशभक्तीपर सिनेमे कोणते आहेत ते जाणून घ्या.

रंग दे बसंती (Rang De Basanti) : भगतसिंगांच्या आयुष्यार भाष्य करणारा 'रंग दे बसंती' हा सिनेमा आहे. आजच्या तरुणांनी स्वातंत्र्यपूर्व भारतातील तरुणांप्रमाणेच काम केले तर गोष्टी कशा बदलू शकतात हा संदेश देण्याचा प्रयत्न सिनेमाने केला आहे. अमीर खान, कुणाल कपूर, सोहा अली खान या सिनेमात मुख्य भूमिकेत आहेत.