Sunil Grovers Aamir Khan Act: आमिर खान बेघर? बॉडीगार्ड्सनी घराबाहेर काढल्याची चर्चा; व्हायरल व्हिडिओमागचं सत्य काय?

Sunil Grover’s Aamir Khan Act Leaves Fans in Splits:'हैप्पी पटेल' चित्रपटाचा टीझर सध्या सोशल मीडियात व्हायरल.

Sunil Grover Mimics Aamir Khan in Happy Patel Teaser Video Goes Viral

मिस्टर परफेक्शनिस्ट आमिर खान बऱ्याच कारणांमुळे चर्चेत असतो. चित्रपट असो किंवा वैयक्तिक आयुष्य. तो काही ना काही कारणांमुळे प्रकाशझोतात असतो.

सध्या बॉलिवूड अभिनेता आमिर खान बेघर झाला आहे का? असा प्रश्न उपस्थित होत आहे, आणि हा प्रश्न एका व्हायरल व्हिडिओमुळे उपस्थित होत आहे.

बॉडीगार्ड्स आमिरला घराबाहेर काढत असल्याचा एक व्हिडिओ सध्या सोशल मीडियावर जोरदार व्हायरल होत आहे.

मात्र या व्हिडिओमागे एक मजेशीर आणि रंजक कारण आहे.

नुकताच 'हैप्पी पटेल' या आगामी चित्रपटाचा टीझर प्रदर्शित झाला असून, या टीझरमध्ये अभिनेता सुनील ग्रोव्हर यांनी आमिर खानची भन्नाट नक्कल केली आहे.

त्यांच्या या अभिनयामुळे प्रेक्षक थक्क झाले असून, व्हिडिओ सोशल मीडियावर चांगलाच चर्चेत आला आहे.

टीझरमध्ये दाखवण्यात आलं आहे की, आमिर खानच्या वेशात असलेल्या सुनील ग्रोव्हरला त्याचेच बॉडीगार्ड ओळखू शकत नाहीत. त्यामुळे ते आमिरला घराबाहेर हाकलताना दिसतात.

हाच प्रसंग सध्या सोशल मीडियावर व्हायरल होत असून, अनेकजण यावर मजेशीर प्रतिक्रिया देत आहेत.

या चित्रपटाद्वारे आमिर खानचा भाचा इमरान खान जवळपास १२ वर्षांनंतर मोठ्या पडद्यावर पुनरागमन करत आहे. त्यामुळे 'हैप्पी पटेल' या चित्रपटाबाबत प्रेक्षकांमध्ये आधीच उत्सुकता निर्माण झाली आहे.

सुनील ग्रोव्हर यांच्या अभिनयाचं सर्वत्र कौतुक होत असून, आमिर खानची देहबोली, आवाज आणि हावभाव त्यांनी अतिशय अचूक पकडल्याचं चाहत्यांचं म्हणणं आहे.