लग्न मोडलं, कधीकधी तर गाडीतच घालवायची रात्र; सुपरस्टार अभिनेत्रीचा डोळे पाणावणारा Downfall, पण आता...

Rashami Desais Inspiring Story: रश्मी देसाई आज आपला 40 वा वाढदिवस साजरा करत आहे. उतरन मालिकेमुळे तिला घराघरात ओळख मिळाली.

Rashami Desais Inspiring Story

Rashami Desais Remarkable Comeback: छोट्या पडद्यावरील प्रसिद्ध अभिनेत्री म्हणजे रश्मी देसाई. तिचा आज 40 वा वाढदिवस. टीव्ही मालिका असो किंवा रिअॅलिटी शो तिला प्रत्येक व्यासपीठावरून प्रसिद्धी मिळाली आहे. तिची व्यावसायिक कारकीर्द बरीच यशस्वी झाली आहे. परंतु, तिला तिच्या वैयक्तिक आयुष्यात अनेक चढ उतारांचा सामना करावा लागला आहे.

एकेकाळी तिला आर्थिक तंगीचा सामना करावा लागला होता. मात्र, आज ती कायम प्रकाशझोतात असते.

रश्मी आज तिचा 40 वा वाढदिवस साजरा करीत आहे. अभिनेत्रीला जन्म 13 फेब्रुवारी 1986 रोजी आसाममधील नागाव येथे झाला. अजय देसाई आणि रसिला देसाई असे तिच्या आई वडिलांचे नाव आहे.

रश्मीने एका मुलाखतीत सांगितलं की, 'लहानपणी माझ्या कुटुंबाची आर्थिक परिस्थिती बेताची होती. 17 व्या वर्षी कन्यादान या आसामी चित्रपटातून सिनेसृष्टीत पदार्पण केलं'.

रश्मीने भोजपुरी चित्रपटातही काम केलं आहे. 2005 साली प्रदर्शित झालेल्या 'कब होई गवना हमार' या चित्रपटासाठी तिला भोजपुरी फीचर फिल्मचा राष्ट्रीय पुरस्कार मिळाला होता.

कलर्स टीव्हीवरील 'उतरन' या मालिकेमुळे रश्मीला मोठी ओळख मिळाली. या मालिकेतील भूमिकेमुळे ती प्रकाशझोतात आली. त्यानंतर अभिनेत्री छोट्या पडद्यापुरती मर्यादित राहिली.

बरीच प्रसिद्धी मिळाल्यानंतर तिला 2017 साली आर्थिक तंगीचा सामना करावा लागला. कर्जबाजारी झाली होती. तिच्याकडे राहण्यासाठी जागा नव्हती. एका मुलाखतीत रश्मी म्हणाली, 'मला एक दिवस गाडीत झोपावे लागले'.

यानंतर रश्मी वादग्रस्त रिअॅलिटी बिग बॉसचा भाग बनली. यानंतर तिचे आयुष्य पुन्हा रूळावर आले. यानंतर तिनं स्वत:साठी घर घेतलं.

रश्मीने 2011 साली उतरनमधील सहकलाकार नंदीश संधूशी लग्न केले. दरम्यान, पाच वर्षांनी 2016 साली त्यांचा घटस्फोट झाला होता.