Happy Birthday Yash | 'यश'शिखरावर असणाऱ्या KGF फेम अभिनेत्याचे वडील आजही चालवतात बस, कुटुंब जगतं मध्यमवर्गीय आयुष्य

(सर्व छायाचित्र - इन्स्टाग्राम)

येत्या काळात यश 'केजीएफ' या चित्रपटाच्या दुसऱ्या भागातून प्रेक्षकांच्या भेटीला येणार आहे. या चित्रपटाचा टीझर नुकताच प्रेक्षकांच्या भेटीला आला आहे, ज्यामुळं चित्रपचाबाबतची उत्सुकता शिगेला पोहोचली आहे.

अभिनेत्री राधिका पंडित हिच्यासह यशनं विवाह केला. या लोकप्रिय सेलिब्रिटी जोडीला दोन मुलं आहेत. यश आणि राधिका एकत्रितपणे एक संस्थाही चालवतात, ज्या माध्यमातून ते गरजूंची मदत करतात.

खुद्द एसएस राजामौली या प्रख्यात दिग्दर्शकांनीही यशच्या वडिलांचा उल्लेख 'स्टार' म्हणून केला होता. चित्रपटांमध्ये यशला एकाएकी लोकप्रियता मिळाली नाही. रुपेरी पडद्यावर झळकण्यापूर्वी तो मालिकांमध्ये काम करत होता. चित्रपटांच्या विश्वातही सुरुवातीला त्यानं सहाय्यक अभिनेत्याच्या भूमिका साकारल्या.

यशचा जन्म कर्नाटकातील हासन जिल्ह्यातला. नवीन कुमार गौडा असं त्याचं मूळ नाव. त्याचे वडील बस चालकाचं काम करायचे. ते आजही हेच काम करतात. आपल्या वडिलांना त्यांचं काम फार आवडतं आणि ते आजही तेच काम करतात. मुळात हीच बाब आपल्या कुटुंबाला जोडणाा दुवा आहे, असं यश एकदा एका मुलाखतीत म्हणाला होता.

KGF Star 'केजीएफ स्टार', म्हणूनच नावारुपाला आलेल्या या अभिनेत्याचा कन्नड चित्रपट वर्तुळात जितका नावलौकिक आहे, तितकंच प्रेम त्याला आता विविधभाषी प्रेक्षकांकडून मिळत आहे. यश आज करिअरमध्ये फार पुढे आला असला तरीही त्याचं कुटुंब मात्र आजही मध्यमवर्गीय आयुष्य जगतं असं म्हटलं जातं.