'मर्डर'च्या स्क्रिनिंगवेळी संतापलेली इमरान हाश्मीची बायको; त्यानंतर असं काही घडलं की, अभिनेत्याच्या हातातून रक्त वाहू लागलं...

Murder Screening Kissa: बॉलिवूडचा सीरियल किसर इमरान हाश्मीनं 'मर्डर' चित्रपटात खूप इंटिमेट सीन्स दिले होते. त्यामुळे अभिनेत्याच्या वैयक्तिक आयुष्यात बराच गोंधळ निर्माण झाला होता.

Murder Screening Kissa | Emraan Hashmi

इमरान हाश्मीच्या 'मर्डर' या चित्रपटाचा स्वतःचा चाहतावर्ग आहे. आजही या चित्रपटाचा समावेश प्रेक्षकांनी खूप पसंती दिलेल्या काही निवडक चित्रपटांमध्ये होतो. चांगली गाणी आणि रोमान्सनं भरलेला हा चित्रपट बॉक्स ऑफिसवर फारशी कमाई करू शकला नाही, पण इमरान हाश्मीसाठी करिअरच्या दृष्टीनं फायदेशीर ठरला.

रुपरी पडद्यावर ज्यावेळी चित्रपट येतो, त्यापूर्वी त्यामागे अनेक घटना घडलेल्या असतात. त्यातल्या काही चांगल्या, तर काही वाईटही असतात. अशीच एक घटना 'मर्डर'चित्रपटाच्या स्क्रिनिंग वेळी घडली होती. त्यावेळी इमरानच्या पत्नीला राग अनावर झाला होता.

आज आम्ही तुम्हाला या चित्रपटाशी संबंधित एक घटना सांगणार आहोत जेव्हा इमरान हाश्मीला त्याच्या पात्रामुळे पत्नीच्या रागाचा सामना करावा लागला होता. एवढा की, त्यावेळी इमरानच्या शरीरावर जखमा पाहायला मिळाल्या होत्या.

आपल्या करिअरच्या सुरुवातीच्या टप्प्यात, इमरान हाश्मीनं बहुतेक चित्रपटांमध्ये चॉकलेट बॉयची भूमिका साकारली होती. या चित्रपटांमध्ये त्याला खूप पसंती मिळाली आणि इमरान हाश्मीच्या चाहत्यांमध्ये एक वेगळीच क्रेझ निर्माण झाली. मात्र, चित्रपटांमधील त्याच्या बोल्ड स्टाईल आणि सीन्समुळे त्याला वैयक्तिक आयुष्यात अडचणींचा सामना करावा लागला होता.

इमरान हाश्मीच्या 'मर्डर' चित्रपटाच्या प्रदर्शनादरम्यान असं काही घडलं की, अभिनेता अडचणीत आला. त्याच्या शरीरावर जखमाही होत्या.

खरंतर या चित्रपटाच्या स्क्रिनिंगला त्याची पत्नीही आली होती आणि तिच्यामुळेच या अभिनेत्याची ही अवस्था झाली होती. याचा खुलासा इमरान हाश्मीनं 'कॉफी विथ करण'मध्ये त्याच्याच शब्दांत केला आहे.

इमरान हाश्मीनं सांगितलं की, 'मर्डर' चित्रपटाच्या स्क्रिनिंगदरम्यान, चित्रपटगृहातच चित्रपट पाहताना पत्नीला इतका राग आला की, तिनं त्याच्या हातावर नखं मारली.

अभिनेत्यानं सांगितलं की, पत्नीला एवढा राग आलेला की, चित्रपट संपेपर्यंत त्याच्या हातातून रक्त येऊ लागलं होतं. अभिनेत्याच्या हातावरही निळ्या रंगाच्या खुणा होत्या. चित्रपटाच्या स्क्रिनिंगवेळी तिच्याजवळ बसणं ही माझी चूक असल्याचं इम्राननं म्हटलं.

दरम्यान, 2004 मध्ये रिलीज झालेल्या 'मर्डर'मध्ये इमरान हाश्मीसोबत मल्लिका शेरावत लीड रोलमध्ये होती. या चित्रपटात अनेक किसिंग आणि रोमँटिक सीन्स होते. या चित्रपटातील गाणी खूप आवडली होती.

इम्रान आणि मल्लिकाचे हे इंटिमेट सीन्स पाहून अभिनेत्याची पत्नी खूप भडकली होती. वर्क फ्रंटबद्दल बोलायचं झालं तर इम्रान यापूर्वी 'टायगर 3' मध्ये दिसला होता.