Sonalee Kulkarni : 'या' कारणामुळे सोनालीने घेतला पुन्हा लग्न करण्याचा निर्णय!

(photo:sonalee18588/ig)

मराठी मनोरंजन विश्वाची ‘अप्सरा’ अर्थात अभिनेत्री सोनाली कुलकर्णी (Sonalee Kulkarni) तिच्या सौंदर्याने सर्वांनाच मोहित करत असते. (photo:sonalee18588/ig)

नुकतीच अभिनेत्री दुसऱ्यांदा बोहल्यावर चढली आहे. अर्थात तिने पती कुणाल बेनोडेकरसोबतच पुन्हा लग्नगाठ बांधली आहे.

या लग्नामुळे अभिनेत्री पुन्हा एकदा चर्चेत आली आहे. सोनाली कुलकर्णी हिने गेल्या वर्षी कुणाल बेनोडेकर याच्यासोबत दुबईत विवाह केला होता. या दरम्यान जवळपास जगभरात कोरोना विषाणूमुळे लॉकडाऊन लागला होता. (photo:sonalee18588/ig)

मागील दोन वर्षात कोरोना विषाणूने भारतच नव्हे, तर जगभरात थैमान घातलं होतं. या महामारीमुळे लोक घरात अडकून पडले होते. कुणालाही कुठेही जाता येत नव्हतं. लग्नसोहळे, समारंभ तर रद्दच करण्यात आले होते. (photo:sonalee18588/ig)

अशावेळी सोनाली कुलकर्णीचं लग्न देखील दोन वेळा पुढे ढकलण्यात आलं होतं. तर, तिसरीवेळ तर ते रद्दच झालं होतं. अशा वेळी त्यांनी दुबईत असताना कोर्ट रजिस्टर लग्न करण्याचा निर्णय घेत, मोजक्या लोकांच्या उपस्थितीत हा सोहळा साजरा केला. मात्र, या सोहळ्याला दोघांचेही आई-वडील उपस्थित नव्हते. (photo:sonalee18588/ig)

सोनाली आणि कुणाल यांच्या लग्नाला दोघांचेही कुटुंब व्हिडीओ कॉलद्वारे उपस्थित होते. त्यामुळे अगदीच घाईगडबडीत पार पडलेल्या या लग्नात कुणालाच सामील होता आलं नाही. ना कोणते सोहळे आयोजित झाले, ना समारंभ.. यामुळे सोनाली आणि कुणाल यांनी लग्नाच्या पहिल्या वाढदिवशी पुन्हा एकदा थाटामाटात लग्न करण्याचा निर्णय घेतला. संपूर्ण विधीपूर्वक मराठमोळ्या पद्धतीने त्यांचा हा विवाहसोहळा पार पडला आहे. या लग्नाला दोघांच्या कुटुंबासह, मनोरंजन विश्वातील कलाकारांनी देखील हजेरी लावली होती.(photo:sonalee18588/ig)

सोनाली देखील तिच्या एका लग्नाची दुसरी गोष्ट प्रेक्षकांसोबत शेअर करण्यासाठी उत्सुक आहे. लवकरच ती या लग्नाचे अपडेट्स चाहत्यांसोबत शेअर करणार आहे. या संदर्भात पोस्ट लिहित सोनाली म्हणाली, ‘पँडेमिकमुळे दोन वेळा पोस्टपोन करून तिसऱ्यांदा कॅन्सल करावा लागला आमचा लग्न सोहळा. मग दुबईत अडकल्यामुळे किमान आता रजिस्टर लग्न करून टाकू असं ठरवलं. आमच्या आई वडील, कुटुंबियांना ट्रॅव्हल करता नाही आलं. झूम कॉलवरून साक्षीदार झाले. पुढे जेव्हा परिस्थती सुधारेल तेव्हा सगळे एकत्र येऊ आणि सेलिब्रेट करू अशा आशेवर, गेल्या वर्षी 07.05.2021ला आम्ही कोर्ट मॅरेज केलं.(photo:sonalee18588/ig)

पुढे ती म्हणाली.. यंदा, आमच्या पहिल्या वेडिंग अ‍ॅनिव्हर्सरीला आम्ही सह कुटुंब-सह परिवार-ठरल्या प्रमाणे-संपूर्ण विधीपूर्वक- मराठमोळ्या पद्धतीने-अगदी स्वप्नवत-लग्न केलं. काय काय झालं, कसं झालं, कुठे झालं, सगळं - सगळं share करू “लवकरच” ! तुमचा आशिर्वाद आणि प्रेम नेहमी प्रमाणे राहू द्या’(photo:sonalee18588/ig)