Bodyguard : अमिताभ बच्चन, शाहरुख खान ते दीपिकाचे विश्वासू सुरक्षारक्षक, कमावतात बक्कळ पगार

Feature_Photo_1

बॉलिवूडचे स्टार्स म्हटलं की त्यांचे चाहते आले आणि परिणामी गर्दी आली. गर्दीमुळं नेहमीच सेलिब्रिटींच्या सुरक्षेचा प्रश्न उभा असतो. मात्र काही सेलिब्रिटी असे आहेत जे स्वत:च्या सुरक्षेवर कोट्यवधी रुपये खर्च करतात.

बॉलिवूडचे महानायक बिग बी अमिताभ बच्चन (Amitabh Bachchan) यांचा सुरक्षारक्षक म्हणून नियुक्त करण्यात आलेल्या हेड कॉन्स्टेबल जितेंद्र शिंदे यांची बदली करण्यात आली आहे.

हेड कॉन्स्टेबल जितेंद्र शिंदेंची (Jitendra Shinde) वार्षिक कमाई दीड कोटीच्या घरात असल्याची चर्चा आहे. कॉन्स्टेबल जितेंद्र शिंदेंच्या कमाईच्या चर्चेनंतर पोलीस आयुक्तांकडून त्यांच्या बदलीचा निर्णय घेण्यात आला आहे.

एका रिपोर्टनुसार, अमिताभ बच्चन यांचा बॉडीगार्ड जितेंद्र वर्षाला दीड कोटी रुपये कमवतात, अशी माहिती समोर आली होती. जितेंद्र शिंदे गेल्या अनेक वर्षांपासून बिग बींना सुरक्षा पुरवत आहेत.

जितेंद्र शिंदे यांची स्वत:ची खाजगी सिक्युरीटी एजन्सी देखील आहे, अशीही माहिती समोर आली होती. हे समोर आल्यानंतर हा प्रकार पोलिस नियमांच्या विरुद्ध आहे. कारण शिंदे हे सध्या खात्यात कार्यरत आहेत. हेड कॉन्स्टेबल या पदावर ते कार्यरत आहेत. ते 2015 पासून अमिताभ बच्चन यांचे बॉडीगार्ड म्हणून नियुक्त आहेत.

दीपिका पादुकोण तिचा बॉडीगार्ड जलालला वर्षाचं 80 लाख वेतन देत असल्याची माहिती आहे. दीपिकाचं जलालसोबत खास नातं आहे. ती प्रत्येक वर्षी त्याला राखी देखील बांधते

शाहरुख खानचा बॉडीगार्ड रवि सिंह मागील दहा वर्षांपासून त्याच्यासोबत आहे. रिपोर्ट्सनुसार त्याला वर्षांचं 2.7 कोटींचं पॅकेज आहे.