Reliance Industries : रिलायन्सचा नफा वाढला, मार्चच्या तिमाहीत नफा 19000 कोटींवर, आकडेवारी जाहीर, शेअरधारकांसाठी गुड न्यूज, लाभांश जाहीर

Reliance Industries : रिलायन्स इंडस्ट्रीजच्या जानेवारी ते मार्च 2025 या तिमाहीच्या कामगिरीची आकडेवारी जाहीर झाली आहे. रिलायन्सचा निव्वळ नफा वाढला आहे.

रिलायन्सचा नफा वाढला

रिलायन्स इंडस्ट्रीज लिमिटेडचे जानेवारी-मार्च 2025 तिमाहीचे निकाल आले आहेत. रिलायन्सचा या तिमाहीत एकत्रित निव्वळ नफा वार्षिक आधारावर 2.4 टक्के वाढून 19407 कोटी रुपये झाला आहे. गेल्या वर्षी नफा 18591 कोटी रुपये होता. एकत्रितपणे महसूल वार्षिक आधारावर 10 टक्क्यांनी वाढून 264573 कोटी रुपये झाला आहे तर गेल्या वर्षी 240715 कोटी रुपये होता.

रिलायन्सचा खर्च वाढून 240375 कोटी रुपये झाला आहे. जो गेल्या वर्षी मार्च 2024 च्या तिमाहीत 217529 कोटी रुपये होता. 2024-25 या आर्थिक वर्षात रिलायन्सचा महसलू 980136 कोटींवर पोहोचला आहे. यापूर्वी तो 914472 कोटी रुपये होता. वार्षिक आधारावर निव्वळ नफा 69648 कोटी रुपये झाला आहे. तो गेल्या आर्थिक वर्षात 69621 कोटी रुपये होता.