Gold Silver Rate Update : सोनं चांदीच्या दरात वाढ, सर्वसामान्यांनी सोनं खरेदी कसं करायचं?

Gold Silver Rate Update जळगाव : देशातील सराफा बाजारात सोने आणि चांदीच्या दरवाढीचा ट्रेंड सुरुच असल्याचे चित्र आहे. सोने आणि चांदीच्या दर ऊंचावर पोहोचला आहे.

Gold Silver Rate Update

सणांचा कालावधी सुरु झाल्याबरोबर सोनं खरेदीला सुरुवात होते आणि ते होत असताना सोने आणि चांदीच्या दरात पुन्हा वाढ झाली आहे. परिणामी आता सोने खरेदी जणू सर्वसामान्यांच्या आवाक्याबाहेर. अशातच आता सोन्याच्या दरात पुन्हा 1500 रुपयांची वाढ झाली.

त्यामुळे सोन्याचे दर 1,16, 500 वर तर जीएसटीसह (GST) हेच दर 1,20, 000 हजार वर जाऊन पोहोचल्याची माहिती आहे. परिणामी, सोन्याच्या दराने आता नवा उच्चांक गाठला असल्याचं पाहायला मिळत आहे.

ऐन दसरा तोंडावर आणि सान्याच्या दरात झालेली ही वाढ, ग्राहकांसाठी ही बाब काहीशी अडचणीची आणि अधिक खर्चिक झाली आहे.

कधी रशिया युक्रेन युद्ध, तर कधी डोनाल्ड ट्रम्प यांचं टेरीफ धोरण, तर कधी अमेरिकन फेडरल बँकांनी घडविलेले व्याज दर या सगळ्याचा एकत्रित परिणाम म्हणून गेल्या काही महिन्यापासून सोन्याच्या दरात दिवसागणिक मोठी वाढ होताना दिसत आहे.

दरम्यान, ऐन दसरा सणाच्या मुहूर्ताच्या तोंडावर आज पुन्हा एकदा सोन्याच्या दरात 1500 रुपयांची मोठी वाढ होऊन सोन्याचे दर 1, 16, 500 तर जीएसटीसह हेच दर 1,20,000 च्या उंबरठ्यावर पोहोचले असल्याने दसऱ्याच्या मुहूर्तावर अपेक्षेप्रमाणे ग्राहक सोने खरेदी करू शकणार का? असा प्रश्न सुवर्ण व्यासायिकांना पडला आहे.

चांदीची किंमत 7000 रुपयांनी वाढून प्रति किलो दीड लाख रुपये या विक्रमी पातळीवर पोहोचली आहे. चांदीच्या दरवाढीमागे जागतिक पातळीवर वाढलेली औद्योगिक मागणी हे प्रमुख कारण मानले जात आहे. परिणामी, त्याचा थेट परिणाम दरांवर झाला असून चांदीने विक्रमी पातळी गाठली आहे.

सुवर्ण व्यापारातील जाणकारांच्या मते, येत्या काही आठवड्यांत सोन्याच्या व चांदीच्या दरात आणखी वाढ होण्याची शक्यता आहे. जागतिक बाजारपेठेत सुरु असलेली आर्थिक अनिश्चितता, डॉलरचा दर, क्रूड ऑइलचे भाव आणि व्याजदरांमध्ये होणारे बदल याचा थेट परिणाम सोन्या-चांदीच्या किंमतींवर होत असतो.

त्यामुळे गुंतवणूकदारांनी आणि खरेदीदारांनी या घडामोडींवर बारकाईने लक्ष ठेवणे गरजेचे आहे, असा सल्ला तज्ज्ञांकडून दिला जात आहे.